Eclesiastés 6:2 - Q'eqchi Bible

² wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?

Li Santil hu

² Cuanqueb li nequeꞌqꞌueheꞌ xbiomal ut xlokꞌal xban li Dios. Chixjunil cuan reheb. Ma̱cꞌaꞌ napaltoꞌ chiruheb. Abanan li Dios incꞌaꞌ naxqꞌueheb chixyalbal xsahil lix biomaleb. Jalan ban chic aj e nacana cuiꞌ. Aꞌin ma̱cꞌaꞌ na-oc cuiꞌ. Aꞌan jun raylal ut chꞌaꞌajquilal chokꞌ reheb li cristian.

Eclesiastés 6:2 ပူးပေါင်းရင်းမြစ်များ

Eclesiastés 5:19

Jo'wi' anchal, yalaq ani nak'ehe'k xjunkab'lal ut xb'ihomal xb'aan li Yos, nakanab'aak ajwi' chi xyalb'al xsahil ut tz'aqonk chisa', xb'aan naq li xyalb'al xsahil li k'aru xk'anjela, a'an yal qamaatan li nachalk rik'in li Yos.

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

Salmos 73:7

Nujenaqeb' chi lab'al ut maa'usilal, numtajenaq sa' raanmeb' li yib' aj na'leb'.

1 Reyes 3:13

Tink'e ajwi' li ink'a' xatz'aama chiwu: aab'ihomal ut aaloq'al, chi q'axal nim wi' chik chiru junaq chik awab'ej jo' najtil yo'yooqat sa' ruuchich'och'.

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

Oseas 7:9

Jalaneb' xtenamit yookeb' chi tawasink reheb' chi ink'a' neke'xk'e reetal a'an. K'ajo' naq xe'saqo'k li rismaleb' xjolom chi ink'a' neke'xnaw!

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Eclesiastés 5:16

A'in q'axal ra ajwi' xk'ulb'al: jo' naq xk'ulunk sa' ruuchich'och', jo'kan ajwi' naq taakamq. Ut k'aru xra naq xtawasi rib'

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

2 Crónicas 1:11

Li Yos kixsume laj Salomón: “Us li xatz'aama chiwu. Laa'at ink'a' xatz'aama aab'ihomal chi moko aasahilal, chi moko aaloq'al, chi moko xkamikeb' li xik' neke'ilok aawe, chi moko xnajtil roq laayu'am, xatz'aama b'an aanawom ut aachoxahil na'leb' re naq tatruhanq x'awab'ejinkil lintenamit, b'arwi' xatinxaqab' cho'q awab'ej.

1 Crónicas 29:28

Kikamk chi ak tiix chi us ut ak xikenaq xhab', wank xb'ihomal ut xwankilal chi yo'oon. Ut a' chik laj Salomón li ralal ki'ok cho'q awab'ej.

1 Crónicas 29:25

Ut li Qaawa' k'ajo' naq kixnimob'resi xwankil laj Salomón chiru chixjunileb' laj Israel ut kixk'e xnimal xloq'al li x'awab'ejihom: maajun awab'ej kik'ehe'k xloq'al jo' laj Salomón aran Israel.

Jueces 18:10

Naq texwulaq, toxeetaw jun li tenamit wank sa' xyaalal. Q'axal nim li na'ajej a'an ut li Yos ak xq'axtesihom sa' quq'. A'an jun li na'ajej b'arwi' wank jo'ch'inal jo'nimal li awimq natawmank sa' ruuchich'och'”.

Deuteronomio 28:43

Laj ab'l tenamit li wank sa' eeyanq taanimanq xwankil sa' aab'een ut laa'at t'ane'k chik taab'aanu.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Eclesiastés 5:13

Wank jun chik ch'a'ajkilal ak xwil arin sa' ruuchich'och': a'an li xxokb'al naab'al li b'ihomal yal re naq laj eechal re tixk'ul rahilal moqon.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Eclesiastés 5:18

Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.