Eclesiastés 5:5 - Q'eqchi Bible

⁵ Jwal us naq maak'a' taayeechi'i, chiru naq taayeechi'i ut chirix chik a'an ink'a' taab'aanu.

Li Santil hu

⁵ Kꞌaxal us nak ma̱cꞌaꞌ te̱yechiꞌi cui nequecꞌoxla nak incꞌaꞌ naru te̱ba̱nu.

Eclesiastés 5:5 ပူးပေါင်းရင်းမြစ်များ

Hechos 5:4

Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe? K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.

Proverbios 20:25

Xiw xiw xyeechi'inkil junaq mayej chiru li Yos chi junpaat, ut moqon ink'a' taawaj xk'eeb'al.

Deuteronomio 23:22

Ab'anan maak'a'aq maak sa' aab'een wi ink'a' nakayeechi'i xb'aanunkil junaq k'a' re ru re li Qaawa' rik'in jurament.

Deuteronomio 23:21

“Wi taaye junaq aawaatin chiru li Qaawa' laaYos rik'in jurament, matb'ayk chi xb'aanunkil, xb'aan naq wi ink'a' taab'aanu chi junpaat, li Qaawa' laaYos tixkanab' sa' aab'een xtojb'al, ut wanq aamaak.

Jueces 11:35

K'ajo' naq kiraho'k xch'ool laj Jefté naq kiril li xrab'in! Kixq'ich li raq' ut kixjap re chi xyeeb'al: “Toq'ob' wu, at inrab'in! K'ajo' xrahil linch'ool nachalk aab'aan! Laa'at xab'oq chaq jun nimla rahilal sa' inb'een, xb'aan naq wank k'aru xinyeechi'i re li Qaawa' ut anaqwan ink'a' naru tinq'et li waatin”, chan.

Jonás 2:9

A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.

Levítico 5:4

“Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.