Eclesiastés 5:18 - Q'eqchi Bible

¹⁸ Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.

Li Santil hu

¹⁸ Riqꞌuin chixjunil aꞌin la̱in xinqꞌue retal nak li cꞌaꞌru us tixba̱nu li cui̱nk, aꞌan cuaꞌac ut ucꞌac ut xyalbal xsahil li quixcꞌanjela ru nak cuan arin saꞌ ruchichꞌochꞌ. Lix yuꞌam quiqꞌueheꞌ re xban li Dios. Tento ta̱cꞌanjelak xban nak ac tenebanbil saꞌ xbe̱n.

Eclesiastés 5:18 ပူးပေါင်းရင်းမြစ်များ

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Eclesiastés 3:22

Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

Eclesiastés 2:10

Jo'nimal naxpatz' linch'ool, maak'a' xinram chiru. Maajun sut ink'a' ta xinb'aanu li k'aru xinrahi ru, xb'aan naq nintaw xsahil li waanm rik'in li nintawasi wi' wib'; ut li sahil ch'oolej a'in, a'an reeqaj li k'iila k'anjel xinb'aanu.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Jeremías 52:34

Kich'oolaniik ajwi' xb'aan li awab'ej re Babilonia rajlal kutan chiru chixjunil li xyu'am, toj sa' xkutankil li xkamik.

1 Corintios 16:16

Nintz'aama cheru naq chexpaab'anq chiruheb', jo' ajwi' chiru chixjunileb' li neke'okenk chi k'anjelak rochb'eeneb'.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Deuteronomio 12:18

Taatzeka eb' a'in naq wanqex chiru li Qaawa' laaYos, sa' li na'ajej sik'b'il ru xb'aan li Qaawa' laaYos, ut ka'ajwi' aran tattzekanq aawochb'eeneb' laawalal aak'ajol, eb' laj k'anjel chawu jo'wi' eb' laj Leví li wankeb' sa' eeyanq. Ut sahaq sa' laach'ool chiru li Qaawa' laaYos rik'in chixjunil li k'anjel xab'aanu.

Deuteronomio 26:11

Toja' naq taasaho'q aach'ool rik'in chixjunil li xk'ehom aawe li Qaawa' laaYos ut cho'q re laajunkab'al. Jo'kan ajwi' te'saho'q xch'ooleb' laj Leví ut eb' laj ab'l tenamit li wanqeb' sa' eeyanq.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Eclesiastés 6:2

wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?