Eclesiastés 4:9 - Q'eqchi Bible

⁹ Q'axal us naq te'k'anjelaq wiib' poyanam chiru naq taak'anjelaq junaq xjunes, xb'aan naq q'axal us wi' chik taa'elq li k'anjel chiruheb'.

Li Santil hu

⁹ Kꞌaxal us nak teꞌcꞌanjelak cuib, chiru nak ta̱cꞌanjelak junak xjunes xban nak cui teꞌcꞌanjelak saꞌ cuibal us ta̱e̱lk lix cꞌanjeleb chiruheb.

Eclesiastés 4:9 ပူးပေါင်းရင်းမြစ်များ

Proverbios 27:17

Li ch'iich' naq'esnaak rik'in ch'iich'; ut li winq, winq ajwi' taatuqub'anq xna'leb'.

Génesis 2:18

Chirix chik a'an li Qaawa' Yos kixye: “Ink'a' us naq taawanq li winq xjunes. Tink'e junaq aj tenq' re jo' xk'ulub'”.

San Marcos 6:7

Toja' naq kixb'oqeb' li Kab'laju, kixtikib' xtaqlankileb' sa' ka'kab'il ut kixk'eheb' xwankil sa' xb'eeneb' li tz'ajn aj musiq'ej.

Números 11:14

Ink'a' chik ninkuy rilb'aleb' chixjunil li tenamit a'in injunes: q'axal ch'a'aj cho'q we.

San Juan 4:36

Laj q'olonel naxk'ul li xtojb'al ut naxxok ru li awimq re li junelik yu'am; jo'kan naq laj awinel ut laj q'olonel neke'saho'k sa' xch'ool chi xkab'ichaleb'.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

Hageo 1:14

Chi jo'kan li Qaawa' kixwaklesi xch'ool laj Sorobabel, ralal laj Salatiel, aj jolominel re Judá, ut laj Josué, ralal laj Josadak, xyuwa'il laj tij, jo'wi' kixk'e xkawub' xch'ool chixjunileb' li tenamit. Sa' li kaahib' xka'k'aal xb'e li xwaq po naq ak wiib' chihab' rokik chi awab'ejink laj Darío, chixjunileb' ke'xtikib' xyiib'ankil wi' chik li rochoch li Qaawa', li xYoseb' nim xwankil.

2 Juan 1:8

K'ehomaq reetal, meek'e chi sachk ru leek'anjel, wi tz'aqalaq re ru xq'ajkamunkil leek'anjel teeraj xk'ulb'al.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:10

Ut wi li jun taat'ane'q, li jun chik tixwaklesi li rochb'een. Ab'anan toq'ob' ru li wank xjunes, xb'aan naq wi taat'ane'q, maa'ani taatenq'anq re chi wakliik.

1 Crónicas 19:12

Ut kixye re li riitz'in: “Wi taawil naq ink'a' tinkuy xsumenkileb' laj Aram, tulinaatenq'a; ut wi laa'at ink'a' taakuy xsumenkileb' laj Amón, laa'in tinxik chatenq'ankil.