Eclesiastés 3:22 - Q'eqchi Bible

²² Xink'e reetal naq li q'axal us cho'q re li winq, a'an xyalb'al xsahil li k'aru naxk'anjela. Maak'a' chik truuq tqab'aanu, xb'aan naq maa'ani truuq taak'amoq chaq qe chi rilb'al li k'aru taak'ulmanq chirix li qakamik.

Li Santil hu

²² Riqꞌuin aꞌin ninqꞌue retal nak li us tixba̱nu li cui̱nk, aꞌan nak ta̱sahokꞌ saꞌ xchꞌo̱l riqꞌuin lix cꞌanjel xban nak aꞌan li tento tixba̱nu. Ut ma̱ ani ta̱ru̱k ta̱cꞌamok chak re chi rilbal li cꞌaꞌru ta̱cꞌulma̱nk mokon xban nak ac camenak chic.

Eclesiastés 3:22 ပူးပေါင်းရင်းမြစ်များ

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Eclesiastés 10:14

Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.

Eclesiastés 8:7

ink'a' naqanaw li k'aru chaalel, chi moko wank ta junaq taayehoq resil li k'aru taak'ulmanq.

Eclesiastés 6:12

Ma wank tab'i' junaq nanawok re k'aru tz'aqal li us cho'q re li winq naq wank arin sa' ruuchich'och'? Li xyu'am nanume'k sa' junpaat kama' junaq mu. Maa'ani naru chi xyeeb'al qe k'aru taak'ulmanq moqon, chirix li qakamik.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

San Mateo 6:34

Mixik b'i' eech'ool chi k'oxlak chirix li kutan wulaj, xb'aan naq li kutan wulaj taawanq ajwi' xk'oxlankil rix. Tz'aqalaq li ch'a'ajkilal re li junjunq chi kutan.

Daniel 12:13

Ut laa'at ayu chi hilank toj sa' xkutankil laakamik. Tatwakliiq chaq sa' roso'jikeb' li kutan re xk'ulb'al laaq'ajkamunkil»”.

Eclesiastés 9:12

Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

Li xHu LAJ JOB 14:21

Moqon chik wi taak'ehe'q xloq'al malaj xxutaan eb' li qalal qak'ajol, ink'a' chik tqanaw a'an.

Deuteronomio 28:47

Sa' xk'ab'a' naq ink'a' xatk'anjelak chiru li Qaawa' laaYos sa' xsahil aach'ool ut sa' xsahil aawaanm, naq wan chaq chixjunil k'aru aawe,

Deuteronomio 12:18

Taatzeka eb' a'in naq wanqex chiru li Qaawa' laaYos, sa' li na'ajej sik'b'il ru xb'aan li Qaawa' laaYos, ut ka'ajwi' aran tattzekanq aawochb'eeneb' laawalal aak'ajol, eb' laj k'anjel chawu jo'wi' eb' laj Leví li wankeb' sa' eeyanq. Ut sahaq sa' laach'ool chiru li Qaawa' laaYos rik'in chixjunil li k'anjel xab'aanu.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Eclesiastés 2:18

Xik' ajwi' nawil jo'ch'inal jo'nimal xintawasi wi' wib' chiru linyu'am, xb'aan naq a'an tkanaaq cho'q re li taa'ok sa' linna'aj.

Eclesiastés 7:14

Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.

Eclesiastés 9:6

Ink'a' chik neke'rahok chi moko xik' neke'ilok, ink'a' chik neke'kaqalink chi moko neke'okenk chik rik'in li na'uxmank arin sa' ruuchich'och'. Ak xraqe'k chixjunil a'an!