Eclesiastés 3:13 - Q'eqchi Bible

¹³ Xb'aan naq wi nokoowa'ak ut nokoo'uk'ak, wi naqayal xsahil li k'aru naqak'anjela, a'an qamaatan li nachalk rik'in li Yos.

Li Santil hu

¹³ Ut ninnau ajcuiꞌ nak yal kama̱tan xban li Dios nak nococuaꞌac ut noco-ucꞌac ut nakayal xsahil li cꞌaꞌru nakacꞌanjela.

Eclesiastés 3:13 ပူးပေါင်းရင်းမြစ်များ

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Eclesiastés 2:24

Li k'aru us tqab'aanu, a'an wa'ak uk'ak ut xyalb'al xsahil li k'aru tqak'anjela. Xink'e reetal naq a'in ajwi' qamaatan li nachalk rik'in li Yos.

Salmos 128:2

Rik'in li naruuchin laak'anjel tattzekanq. K'ajo' naq taasaho'q laach'ool; us tat-elq rik'in chixjunil li taab'aanu.

Eclesiastés 6:2

wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Deuteronomio 26:11

Toja' naq taasaho'q aach'ool rik'in chixjunil li xk'ehom aawe li Qaawa' laaYos ut cho'q re laajunkab'al. Jo'kan ajwi' te'saho'q xch'ooleb' laj Leví ut eb' laj ab'l tenamit li wanqeb' sa' eeyanq.

Salmos 34:12

Ex walal ink'ajol, kimqex ut chineerab'ihaq: twaj xk'utb'al cheru roxloq'inkil li Qaawa'.

Eclesiastés 2:3

Toja' naq xwaj xq'axtesinkil wib' chi xyalb'al li b'iin ut xb'aanunkil li k'aru neke'xb'aanu li maak'a'eb' xna'leb', re rilb'al k'aru tz'aqal nasaho'k wi' xch'ool li winq jo' najtil twanq sa' ruuchich'och'. Ut xinb'aanu a'an chi ink'a' sachso inch'ool chi junajwa.

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.