Eclesiastés 2:4 - Q'eqchi Bible

⁴ Xinyoob' inninqal b'aanuhom: xinkab'la naab'aleb' li wochoch ut xink'e wawimq uub'.

Li Santil hu

⁴ Nabal li cꞌanjel quinba̱nu. Nabaleb li cab quinyi̱b chokꞌ cue. Ut quicuau ajcuiꞌ li uvas.

Eclesiastés 2:4 ပူးပေါင်းရင်းမြစ်များ

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Isaías 5:1

Ok we chi b'ichank cho'q re li wamiiw; tinb'icha jun li b'ich sa' xk'ab'a' li rawimq uub'. Li wamiiw wank jun xna'aj li x'uub' sa' jun siir chi chaab'il ch'och'.

Cantares 7:12

Toj eq'la tooxik sa'eb' li awimq uub' ut tqil chaq ma yo chi atz'umak li xtoonal li uub', ma ak x'ok chi tuxmek, ma yookeb' chi atz'umak li granaad. Aran tinq'axtesi wib' ut tatinra!

Cantares 1:14

Linrahom chanchan sununkil b'an li nachalk sa' li awimq re En-gadi.

Salmos 49:11

K'utk'u utan naq neke'kamk chixjunileb': li wankeb' xna'leb' jo'wi' eb' li jip ut li maak'a'eb' xna'leb'; ut sa' ruq' jalaneb' chik te'xkanab' li xb'ihomaleb'.

2 Crónicas 26:10

Kixyiib'atq ajwi' ochoch jwal najt xterameb' sa' li chaqich'och', ut kixb'ek naab'al li kumb', xb'aan naq naab'al li xketomq aran Sefelá ut chiru taq'a. Wankeb' ajwi' naab'aleb' laj k'alom ut aj xokoleb' ru uub' sa'eb' li k'iche'b'aal ut sa' li chaab'il ch'och', xb'aan naq nawulak chiru li awk.

2 Crónicas 8:11

Laj Salomón kirisi li xrab'in laj Parahón sa' xtenamit laj David ut kixtaqla sa' li ochoch li kixyiib' cho'q re a'an, xb'aan naq kixk'oxla naq li rixaqil ink'a' naru wank sa' rochoch laj David, awab'ej re Israel, xb'aan naq jwal loq' li na'ajej wanjenaq wi' li xLoq'laj Kaax li Qaawa'.

1 Crónicas 27:27

Laj Simí, Ramat xtenamit, a'an laj ilol reheb' li awimq uub', ut laj Sabdí, Sefán xtenamit, a'an li kixaqab'aak chi xokok b'iin cho'q reheb' li k'uuleb'aal.

1 Reyes 15:19

“Qak'eeq qib' sa' sum'aatin laa'in ut laa'at, jo' naq ke'wank laayuwa' rik'in linyuwa' laa'in. Xintaqla li maatan a'in cho'q aawe, plaat ut oor. B'aanu usilal, maatenq'a chik laj Basá, awab'ej re Israel, re naq ink'a' chik tinxch'i'ch'i'i”.

1 Reyes 9:1

Naq laj Salomón kixchoy xyiib'ankil li rochoch li Qaawa', li rochoch li awab'ej ut chixjunil li kiraj xyiib'ankil,

2 Samuel 18:18

Naq toj yo'yo laj Absalón, kixtaqla xxaqab'ankil jun nimla pek najt xteram, li wank sa' xTaq'ahil li Awab'ej, ut a' ajwi' li xk'ab'a' kixk'e chi tz'iib'aak chiru a'an, xb'aan naq maak'a'eb' ralal re naq junelik taajultikaaq li xk'ab'a'. Ut chalen anaqwan “Li tusb'il Pek re laj Absalón” nayeemank re.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.