Eclesiastés 2:17 - Q'eqchi Bible

¹⁷ Jo'kan naq xik' chik nawil linyu'am, xb'aan naq ink'a' naxk'ul wu jo'nimal na'uxmank sa' ruuchich'och'. Chixjunil a'an, maak'a' rajb'al ut chanchan li chapok iq'.

Li Santil hu

¹⁷ Joꞌcan nak xicꞌ chic nacuil lin yuꞌam arin saꞌ ruchichꞌochꞌ xban nak chixjunil li na-uxman arin saꞌ ruchichꞌochꞌ junes chꞌaꞌajquilal naxqꞌue saꞌ inbe̱n. Chixjunil li na-uxman, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:17 ပူးပေါင်းရင်းမြစ်များ

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Eclesiastés 4:2

Toja' naq xinye: “Us xaq reheb' li ak kamenaqeb'! Toq'ob'eb' ru li toj yo'yookeb'!”, chankin.

Habacuc 1:3

K'a'ut naq nakak'e chiwil li maa'usilal ut li raaxiik' a'in? K'ajo' li rahilal ut li elq'ak! Yalaq b'ar wank li wech'ij ib' ut li yalok.

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Eclesiastés 6:9

Jwal us xyalb'al xsahil li k'aru wank qe chiru naq junelik yooqo xrahinkil xtz'aqob' a'an. Ab'anan a'in ajwi' maak'a' xyaalal ut chanchan li chapok iq'.

Eclesiastés 3:16

Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Eclesiastés 2:22

Rik'in a'in nak'utunk naq maak'a' aj e naq naqatawasi qib' ut naqayal qaq'e chi k'anjelak arin sa' ruuchich'och'.

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Salmos 89:47

Toj jo' najtil chik yooqat chi xmuqb'al aawib', at Qaawa'? Ma junelik taak'atoq laajosq'il kama' li xam?

Li xHu LAJ JOB 14:13

Us raj naq tinaamuq sa' xna'ajeb' li kamenaq, toj reetal taanume'q laajosq'il. Us raj naq taaxaqab' xkutankil jo'q'e tinjultiko'q aawe.

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.

Eclesiastés 4:3

Ab'anan q'axal wi' chik us cho'q reheb' li maji' neke'yo'laak, xb'aan naq maji' rilomeb' li maa'usilal na'uxk sa' li ruuchich'och' a'in.