Eclesiastés 11:8 - Q'eqchi Bible

⁸ Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.

Li Santil hu

⁸ Abanan, usta nabal chihab tocua̱nk saꞌ ruchichꞌochꞌ ut yo̱ko xyalbal xsahil li cꞌaꞌru ke, tento nak takaqꞌue retal nak ta̱cuulak xkꞌehil nak toca̱mk chi junaj cua ut incꞌaꞌ chic tocua̱nk saꞌ ruchichꞌochꞌ. Chixjunil li ta̱cha̱lk chiku mokon, ma̱cꞌaꞌ na-oc cuiꞌ.

Eclesiastés 11:8 ပူးပေါင်းရင်းမြစ်များ

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Eclesiastés 7:14

Chisaho'q sa' laach'ool sa' xq'ehil li sahilal. Ab'an wi taachalq li rahilal sa' aab'een, chak'oxla naq chixjunil nachalk rik'in li Yos, ut maa'ani naxnaw li k'aru chalk re sa' xb'een.

San Judas 1:18

“Sa' roso'jikeb' li kutan -chankeb' chaq eere- te'waklije'q chaq li winq li te'xse'e xaq chixjunil ut te'wanq jo' taqlanb'ileb' xb'aan li xyib' aj na'leb'”.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Eclesiastés 8:15

Jo'kan naq ninye: “Chooninq'ehiq!”. Li k'aru jwal us cho'q qe, a'in naq toowa'aq too'uk'aq ut tooninq'ehiq jo' najtil roq li qayu'am tixk'e qe li Qaawa'. A'in li tento xb'aanunkil naq yooko chi xtawasinkil qib' rajlal kutan.

Eclesiastés 8:12

Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Eclesiastés 6:11

B'arwi' naab'al li aatin nayeemank, aran numtajenaq ajwi' li memil na'leb'. Ut maak'a' naxra li winq naq naxye naab'al.

San Mateo 22:13

Toja' naq li awab'ej kixye reheb' li xmoos: «B'ak'omaq li roq ruq' ut kutomaq chirix kab'l sa' li aak'ab'; aran taawanq li yaab'ak ut li k'uxuxink ruuch e».

Eclesiastés 6:6

chiru junaq winq li kiyo'yook wiib' mil chihab' ut ink'a' kixyal xsahil li k'aru wank re. Chiqajunilo junaj toxooraqe'q wi'.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Eclesiastés 2:17

Jo'kan naq xik' chik nawil linyu'am, xb'aan naq ink'a' naxk'ul wu jo'nimal na'uxmank sa' ruuchich'och'. Chixjunil a'an, maak'a' rajb'al ut chanchan li chapok iq'.

Eclesiastés 2:15

Jo'kan naq xinye sa' inch'ool: “Li k'aru toxraqe'q wi' li ani maak'a' xna'leb' juntaq'eet ajwi' rik'in li tink'ul laa'in. Jo'kan naq maak'a' aj e naq wank inna'leb'. Relik chi yaal naq maak'a' rajb'al chixjunil a'in!”, chankin sa' inch'ool.

Li xHu LAJ JOB 18:18

Taa'isiiq sa' saqenk ut taatz'eqe'q sa' li aak'ab'; taasachmanq sa' li ruuchich'och' a'in.

Li xHu LAJ JOB 15:23

Li xtib'el a'anaq xtzekemq eb' li so'sol; naxnaw chi us naq taa'oso'q chi junajwa.

Li xHu LAJ JOB 14:10

Ab'an laa'o naq tookamq, ink'a' chik too'eek'anq. Ut b'ar tooxik sa' xq'ehil li qakamik?

Li xHu LAJ JOB 10:22

xik we rik'ineb' li wankeb' sa' xmu li kamk, b'arwi' wank li rahil ch'oolej chi junelik”.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Eclesiastés 11:2

Chawotz li k'aru wank aawe rik'in wuqub' malaj waqxaqib' laawamiiw, xb'aan naq ink'a' nakanaw jo'q'e taachalq rahilal sa' xb'een li tenamit.

Li xHu LAJ JOB 10:21

xb'aan naq xik we, ut ink'a' chik tinsutq'iiq chaq: xik we sa' jun li na'ajej q'oqyink ru, b'arwi' aak'ab' chi junelik;

Li xHu LAJ JOB 14:12

Jo' najtil taawanq li choxa, maajun junaq sa' qayanq taawakliiq chi moko taa'ajq ru sa' xmuqleb'aal.

Salmos 49:20

ab'anan taaq'ajq taasutq'iiq rik'ineb' li xna' xyuwa' li maajoq'e chik te'ril li kutan saqenk.