Eclesiastés 10:2 - Q'eqchi Bible

² Li ani wank xna'leb', junelik naxik xch'ool chirix li us, ab'an li maak'a' xna'leb' naxik xch'ool chirix li ink'a' us.

Li Santil hu

² Li ani cuan xnaꞌleb junelic nacuulac chiru xba̱nunquil li us. Abanan li ani ma̱cꞌaꞌ xnaꞌleb caꞌaj cuiꞌ li incꞌaꞌ us nacuulac chiru xba̱nunquil.

Eclesiastés 10:2 ပူးပေါင်းရင်းမြစ်များ

Eclesiastés 10:14

Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.

Eclesiastés 10:10

Wi naxereto'k li ch'iich' ut ink'a' nak'eemank xq'esnal, tento naq kaw chik tatyok'oq chiru. Q'axal us xb'aanunkil chixjunil sa' xyaalal ut rik'in chaab'il na'leb'.

Proverbios 17:16

K'aru taa'ok wi' li tumin sa' ruq' li maak'a' xna'leb'? Li chaab'il na'leb' ink'a' naloq'mank!

Proverbios 14:8

Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

San Mateo 25:33

Ut tixk'eheb' li karneer sa' xnim uq', ut eb' li kok' chib'aat sa' xtz'e.

Colosenses 3:1

Jo'kan utan, wi waklijenaqex chi yo'yo eerochb'een li Kriist, sik'omaq li k'a' re ru wank taqe'q, b'arwi' k'ojk'o li Kriist sa' xnim uq' li Yos.

Proverbios 15:7

Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.