Eclesiastés 1:8 - Q'eqchi Bible

⁸ Jwal ch'a'aj xch'olob'ankil naq ink'a' nak'ojlaak li qach'ool xb'aan chixjunil a'an. Maajun natawaak chi ilok, maajun natawaak chi ab'ink!

Li Santil hu

⁸ Nocolub riqꞌuin chixjunil li cꞌaꞌak re ru aꞌin, ut ma̱ ani nequeꞌru xyebal chanru nak nequeꞌtitzꞌ xban. Usta nabal nequeꞌrabi ut usta nabal nequeꞌril, abanan incꞌaꞌ nequeꞌcꞌojla xchꞌo̱leb.

Eclesiastés 1:8 ပူးပေါင်းရင်းမြစ်များ

Proverbios 27:20

Li kamk ut li muqleb'aal ink'a' neke'nujak; jo'kan ajwi' li winq ink'a' nak'ojlaak xch'ool rik'in li k'aru wank re: toj naxrahi ru xtz'aqob'.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Salmos 63:5

Chiru chixjunil linyu'am tatinloq'on ut tinterq'usi li wuq' re xk'eeb'al aaloq'al.

Eclesiastés 1:7

Chixjunileb' li nima' neke'xik sa' palaw, ut neke'sutq'iik wi' chik sa' li xyo'leb'aaleb' re xik wi' chik sa' li palaw; ab'an li palaw maajaruj nanujak.

Hageo 1:9

Naab'al raj nekeraj, ab'an b'a'b'ay ajwi' neketaw. Ut li xek'uula sa' leerochoch, laa'in xinkuti chi najt. Ma nekenaw k'a'ut? Xb'aan naq toj po'lem linsantil ochoch, ut laa'ex chejunjunqal naxik eech'ool chirix leerochoch.

Eclesiastés 6:7

Chiqajunilo naqatawasi qib' yal re naq tqataw qawa quk'a', ab'anan ink'a' nak'ojlaak li qach'ool rik'in a'an.