Eclesiastés 1:2 - Q'eqchi Bible

² Li qayu'am maak'a' na'ok wi' -chan laj Ch'olob'anel-; jo'ch'inal jo'nimal wank sa' ruuchich'och', a'an maak'a' xyaalal ut maak'a' rajb'al!

Li Santil hu

² Aꞌin li quixye chirix li cꞌaꞌru cuan saꞌ ruchichꞌochꞌ: Chixjunil li cꞌaꞌak re ru cuan saꞌ ruchichꞌochꞌ, ma̱cꞌaꞌ na-oc cuiꞌ. Chixjunil li cꞌaꞌru nakacꞌoxla xba̱nunquil, ma̱cꞌaꞌ rajbal.

Eclesiastés 1:2 ပူးပေါင်းရင်းမြစ်များ

Salmos 144:4

Li winq jun apunk ajwi' li xyu'am, ut eb' li xkutan chanchaneb' junaq mu yal nanume'k.

Romanos 8:20

Chixjunil li ruuchich'och' kiq'axtesiik rub'el xwankil li jo'maajo'il na'leb', moko rik'in ta naq kiraj xch'ool, rajom b'an li kiq'axtesink re. Ab'an wank royb'enihom:

Eclesiastés 5:10

Ani naxra li tumin, ink'a' nak'ojlaak xch'ool rik'in a'an. Ut li wank naab'al xb'ihomal, toj naraj naab'al xtz'aqob'. Ut chixjunil a'in maak'a' rajb'al,

Eclesiastés 12:8

Laa'in laj Ch'olob'anel ninye wi' chik a'in: Maak'a' rajb'al chixjunil li wank sa' ruuchich'och', tik maak'a' rajb'al!

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 2:23

Nujenaq li qayu'am chi rahil k'a'uxl ut ch'a'ajkilal. Chi moko chiru q'oqyink nahilank li qach'ool! A'in ajwi' maak'a' rajb'al!

Eclesiastés 2:17

Jo'kan naq xik' chik nawil linyu'am, xb'aan naq ink'a' naxk'ul wu jo'nimal na'uxmank sa' ruuchich'och'. Chixjunil a'an, maak'a' rajb'al ut chanchan li chapok iq'.

Eclesiastés 11:8

Ab'anan us ta najtaq roq li qayu'am ut sahaq qach'ool chiruheb' li chihab' a'in, tento xjultikankil naq taachalq li aak'ab' sa' qab'een, ut naab'alaqeb' li aak'ab'il kutan. Ut chixjunil li chalk re sa' qab'een, maak'a' rajb'al.

Eclesiastés 6:11

B'arwi' naab'al li aatin nayeemank, aran numtajenaq ajwi' li memil na'leb'. Ut maak'a' naxra li winq naq naxye naab'al.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Eclesiastés 2:21

xb'aan naq jo'ka'in li k'anjelak sa' ruuchich'och': li ani nak'anjelak rik'in chaab'il na'leb', xseeb'al xk'a'uxl ut anchal xch'ool, tento tixkanab' li k'aru wank re cho'q re jalan chik li ink'a' xtawasi rib' chi k'anjelak. A'in ajwi' moko us ta ut maak'a' rajb'al.

Eclesiastés 11:10

Najtob'resihomaq eerib' rik'in li ookel k'a'uxl ut isihomaq li rahilal sa' leech'ool, xb'aan naq eb' li sahil kutan sa' leesaajilal te'raqe'q sa' junpaat chi maak'a' rajb'al.

Eclesiastés 2:15

Jo'kan naq xinye sa' inch'ool: “Li k'aru toxraqe'q wi' li ani maak'a' xna'leb' juntaq'eet ajwi' rik'in li tink'ul laa'in. Jo'kan naq maak'a' aj e naq wank inna'leb'. Relik chi yaal naq maak'a' rajb'al chixjunil a'in!”, chankin sa' inch'ool.

Li xHu LAJ JOB 11:12

Ab'anan jwal ch'a'aj naq li maak'a' xna'leb' tixtaw xna'leb', jo' ch'a'aj naq li k'iche'il b'uur tixnaw wank cho'q re li ochoch.

Salmos 89:47

Toj jo' najtil chik yooqat chi xmuqb'al aawib', at Qaawa'? Ma junelik taak'atoq laajosq'il kama' li xam?

Eclesiastés 2:8

Xintam li oor ut li plaat, jo'wi' naab'al inb'ihomal chalenaq rik'in xk'ihaleb' li awab'ej, sa' najtil tenamit. Xe'wanje'k aj b'ichanel jo' winq jo' ixq; xoxintaw chixjunil li k'aru wank xsahil sa' ruuchich'och', jo' ajwi' naab'aleb' li ixq.