Deuteronomio 9:2 - Q'eqchi Bible

² a'aneb' jun nimla tenamit, jwal najt xterameb', a'eb' laj Anak. Laa'at aawilom ruheb' ut aawab'ihom resil naq maa'ani naru tixkol rib' chiruheb' li ralal xk'ajol laj Anak.

Li Santil hu

² Ut ni̱nkeb ajcuiꞌ li cristian ut kꞌaxal cauheb rib. Ac e̱rabiom resil nak ma̱ ani naru naxcol rib chiruheb li ralal xcꞌajol laj Anac, li nimla cui̱nk.

Deuteronomio 9:2 ပူးပေါင်းရင်းမြစ်များ

Números 13:22

Ke'taqe'k chiru Nejeb ut ke'wulak toj Hebrón, b'arwi' wankeb' laj Ajimán, laj Sesay ut laj Talmay, ralal xk'ajoleb' laj Anak. Hebrón kik'ojob'aak wuqub' chihab' junxilaj chiru Sohán sa' xteepal Ejiipt.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Daniel 11:16

Li awab'ej re Siria tixb'aanu li k'aru taaraj xb'aanunkil, chi maajun taaruuq chi sumenk re; toxkanaaq sa' li xchaq'alil ru na'ajej ut taanumtaaq sa' xb'een.

Daniel 8:4

Kink'e reetal naq li karneer ki'ok chi xeq'ok sa' xjayal rokeb'l li saq'e, sa' xjayal releb'l li iq' ut sa' xjayal xsak'leb' li iq'. Maajun li xul nakuyuk xsumenkil ut maa'ani na'elelik chiru li xwankil: naxb'aanu li k'aru naraj ut q'axal nanumtaak sa' xb'een chixjunil.

Li xHu LAJ JOB 11:10

Wi li Yos tatxk'e sa' tz'alam ut tatxb'oq sa' raqleb'aal aatin, ani taaramoq chiru?

Deuteronomio 7:24

Tixq'axtesiheb' li awab'ej sa' laawuq' ut laa'at taasach li xk'ab'a'eb' junsut junrub'el choxa: maajun reheb' te'kuyuq sa' aawuq', toj reetal taasacheb' ru.

Deuteronomio 2:21

A'an jun nimla tenamit, k'ajo'eb' xk'ihal ut ninqeb' xteram jo'eb' laj Anak. Li Qaawa' kixsacheb' ru rik'in ruq'eb' laj Amón li ke'isink reheb' ut ke'kanaak sa' li xna'ajeb'.

Números 13:33

Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.

Números 13:28

Ab'anan li poyanam wankeb' sa' li na'ajej a'an, jwal kaweb' rib'; sutsuukeb' chi tz'ak ut jwal ninqeb' li xtenamiteb'. Xqilatq chaq aran li ralal xk'ajol laj Anak.

Éxodo 9:11

Chi moko eb' laj q'e ke'xkuy wank chiru laj Moisés xb'aaneb' li sankil xox, xb'aan naq eb' laj q'e ajwi' kilaje'wank sankil xox chirixeb', kama' chixjunileb' laj Ejiipt.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Josué 11:21

Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.

Josué 11:22

Maajun aj Anak kikanaak sa' li xtenamiteb' laj Israel; ka'ajwi' aran Gasa, Gad ut Asdod ke'kanaak.

Josué 15:14

Laj Kaleb kirisiheb' aran li oxib' chi ralal laj Anak: laj Sesay, laj Ajimán ut laj Talmay, ralal xk'ajoleb' laj Anak.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.