Deuteronomio 8:9 - Q'eqchi Bible

⁹ aran k'ajo' li tzekemq ut maak'a' taamajelo'q aawe. A'an jun li ch'och' b'arwi' li pek wank ch'iich' chisa', ut sa'eb' li tzuul taapik li q'anch'iich'.

Li Santil hu

⁹ Saꞌ li naꞌajej aꞌan ma̱cꞌaꞌ ta̱paltok e̱re. Incꞌaꞌ ta̱paltokꞌ che̱ru le̱ tzacae̱mk. Saꞌ eb li pec li cuanqueb aran te̱risi li hierro. Ut saꞌ eb li tzu̱l te̱risi li cobre.

Deuteronomio 8:9 ပူးပေါင်းရင်းမြစ်များ

1 Crónicas 22:14

K'e reetal, rik'in chixjunil linmetz'ew laa'in xinruhank chi xkawresinkil cho'q re li rochoch li Qaawa' o'k'aal mil kintal chi oor, oxlajuk'aal xkab' o'q'ob' mil kintal chi plaat ut xikenaq xk'ihal chi q'unch'iich' ut kawil ch'iich', ink'a' naru xb'isb'al a'an. Wank ajwi' che' ut pek li xinkanab' laa'in, ut laa'at tatruhanq xtz'aqob'resinkil a'an.

Josué 22:8

Ut kixye reheb': “Anaqwan texsutq'iiq sa' leemuheb'aal chi numtajenaq leeb'ihomal, leeketomq, leeplaat, lee'oor, q'anch'iich' ut ch'iich', ut naab'aleb' leeraq'. Chewotz rik'ineb' leeras eeriitz'in jo'nimal li xereechani sa' xna'ajeb' li xik' neke'ilok eere”, chan.

Deuteronomio 33:25

Eb' li rokeb'aal li xtenamit yiib'anb'ilaqeb' rik'in ch'iich' ut q'anch'iich', ut junelik chiwanq xmetz'ew jo' najtil yo'yooq”, chan laj Moisés.

Li xHu LAJ JOB 28:2

Li ch'iich' na'isiik sa' li ch'och', ut sa' xk'atb'al li pek nasik'mank li q'anch'iich'.

Deuteronomio 8:8

A'an jun li ch'och' b'arwi' na'elk li triiw, li seb'aad, li uub', li iig ut li ki'il q'een, li aseeyt ut li xya'al kab';

Deuteronomio 8:10

Aran tattzekanq toj reetal taak'ojlaaq aach'ool, ut taanima xk'ab'a' li Qaawa' laaYos sa' li chaab'il ch'och' a'an li xk'ehom aawe.

Jueces 18:10

Naq texwulaq, toxeetaw jun li tenamit wank sa' xyaalal. Q'axal nim li na'ajej a'an ut li Yos ak xq'axtesihom sa' quq'. A'an jun li na'ajej b'arwi' wank jo'ch'inal jo'nimal li awimq natawmank sa' ruuchich'och'”.

1 Crónicas 22:3

Kixkawresi ajwi' naab'al li ch'iich' re li klawx re li okeb'aal ut cho'q reheb' li chapleb'; kixk'e ajwi' naab'al li q'anch'iich'