Deuteronomio 8:2 - Q'eqchi Bible

² “Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Li Santil hu

² Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Deuteronomio 8:2 ပူးပေါင်းရင်းမြစ်များ

Santiago 1:3

Laa'ex nekenaw naq li xyalb'al rix leepaab'aal nak'amok chaq li kuyuk rahilal;

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Éxodo 16:4

Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

2 Crónicas 32:31

Naq li xninqaleb' ru winq aj Babilonia ke'xtaqlaheb' li xtaql chi xpatz'b'al chirix li sachb'ach'oolej kik'ulmank sa' li tenamit, li Qaawa' kixkanab' xjunes laj Esekías yal re xyalb'al rix ut xnawb'al chixjunil li k'aru wank sa' xch'ool.

Éxodo 15:25

Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Santiago 4:10

Kub'sihomaq eerib' chiru li Qaawa', ut a'an tixnima eewankil.

San Juan 2:25

ut ink'a' na'ajmank ru naq taa'aatinaq anihaq chirixeb' li poyanam, xb'aan naq A'an naxnaw k'aru wank sa' xch'ool li ju'junq.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Deuteronomio 29:5

Chiru ka'k'aal chihab' kexink'e chi b'eek sa' li chaqich'och', toj maji' na'oso'k leetiqib'ankil wan chaq cherix ut toj maji' ajwi' na'oso'k leeperxaab' cheroq.

San Lucas 18:14

“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Proverbios 17:3

Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Salmos 136:16

Kixb'eresi li xtenamit sa' li chaqich'och', li xnimal xrahom wank chi junelik!

Salmos 106:7

Eb' li qana' qayuwa' aran Ejiipt ink'a' ke'xtaw ru laaninqal ru eetalil; ink'a' kinaqk sa' xch'ooleb' li xnimal laarahom, ke'xq'etq'eti b'an rib' chiru li Nimajwal Yos chire li Kaqi Palaw.

Salmos 81:7

“Laa'in xin'isink li iiq sa' aab'een ut eb' laawuq' xe'xkanab' chaq li kawil k'anjel.

Salmos 77:11

Ut ninye: “A' awe' naraho'k wi' linch'ool: naq li Nimajwal Yos xjal li xk'a'uxl sa' qab'een”.

Li xHu LAJ JOB 33:17

re naq tqakanab' xb'aanunkil li ink'a' us ut tookole'q chiru li q'etq'etil.

2 Crónicas 33:12

Naq ak wank chik sa' xnimal rahil ch'oolej, laj Manasés kitijok chiru li Qaawa' li xYos ut kixkub'si chi us xwankil chiru li xYos eb' li xxe'toonil yuwa'.

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

Deuteronomio 7:18

Ab'an matxiwak chiruheb', jultiko'q aawe li kixb'aanu li Qaawa' laaYos rik'in laj Parahón ut chixjunil Ejiipt,

Deuteronomio 1:33

ut a'an chaq laj k'amol eeb'e ut naxsik' li na'ajej b'arwi' texhilanq: chiru q'oqyink nekexkutanob'resi rik'in xam, ut chiru li kutan nekexb'eres rik'in li choql.

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

2 Crónicas 33:19

Li xtij ut li xsumenkil xb'aan li Qaawa', chixjunil li xmaak ut li b'alaq'ik kixb'aanu, eb' li na'ajej kixyiib'atq wi' eb' li tijob'aal ut b'arwi' kixk'ehatq eb' li xjalam u lix Aserá ut eb' li jalanil yos, naq toj maji' nayot'e'k xch'ool ut naxkub'si li xwankil, chixjunil a'an tz'iib'anb'il sa' xHuhil li xyehom ut xb'aanuhom laj Josay.

Éxodo 16:35

Chiru ka'k'aal chihab' eb' laj Israel ke'xwa' li maná toj reetal ke'wulak sa' li chaab'il ch'och'. Ke'xwa' a'an toj ke'wulak sa' xnub'ajlil li tenamit Kanahán.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Números 14:33

ut eb' leeralal eek'ajol te'xb'eeni rib' sa' li chaqich'och' chiru ka'k'aal chihab' ut te'xtoj rix leeq'etq'etil, toj reetal tex'oso'q chejunilex chi junwaakaj sa' li chaqich'och'.

Jueces 2:22

Jo'ka'in naq li Qaawa' kiraj xyalb'al rixeb' laj Israel re rilb'al ma te'xtaaqe tana li chaab'il b'e malaj ut ink'a', jo' ke'xb'aanu chaq li xna' xyuwa'eb'.

Jueces 3:4

Chi jo'kan li Qaawa' kiraj xyalb'al rixeb' laj Israel re xnawb'al ma te'xpaab' li xchaq'rab' yeeb'il reheb' li xna' xyuwa'eb' xb'aan laj Moisés malaj ut ink'a'.

Nehemías 9:19

ab'anan laa'at, xb'aan xnimal laawusilal, ink'a' kakanab'eb' xjunes sa' li chaqi ch'och'; ink'a' ke'kanab'aak xb'aan li jun keel chi choql re xk'amb'al xb'eheb' chi kutan, chi moko ke'kanab'aak chi q'eq xb'aan li xam re xkutanob'resinkil chiruheb' li b'e b'arwi' te'xik.

Ezequiel 20:19

Laa'in li Qaawa' leeYos, chankin reheb'. Paab'omaq linchaq'rab' ut k'uulahomaq sa' leech'ool li waatin li nink'e cheyu'ami.

Deuteronomio 32:7

“Jultikaq aawe eb' li kutan ke'nume'k junxil, chatawaq xyaalal li b'arwan kik'ulmank najter. Patz'on re laayuwa', ut a'an tixseeraq'i aawe; patz'on reheb' li cheekel winq, ut eb' a'an te'xye aawe.

Salmos 103:2

Tinnima ru li Qaawa' chi anchal linch'ool, ut ink'a' taasachq sa' li waanm chixjunil li rusilal.

Jeremías 2:6

Ink'a' kine'xsik' rik'in xyeeb'al: «B'ar wank li Qaawa' li x'isink chaq qe sa' li tenamit Ejiipt, li xb'eresink chaq qe sa' li chaqich'och', sa' li joxk' na'ajej ut julux taq'a ru, b'arwi' maak'a' li ha' ut k'ajo' li aak'ab', maajun wank chisa' chi moko nanume'k aran?».