Deuteronomio 7:2 - Q'eqchi Bible

² naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Li Santil hu

² Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Deuteronomio 7:2 ပူးပေါင်းရင်းမြစ်များ

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Jueces 1:24

Eb' laj k'ehol eetal ke'ril jun li winq naq yo chi elk sa' li tenamit, ut ke'xye re: “Wi taak'ut chiqu chanru naq too'ok sa' li tenamit, laa'o taaqab'anyoxi chawu”, chankeb'.

Josué 10:30

Li Qaawa' kixq'axtesi ajwi' li tenamit a'an sa' ruq'eb' laj Israel, rochb'een li awab'ej. Chixjunileb' li wankeb' xyu'am aran, ke'kamsiik chi ch'iich'; maajun chik kikanaak chi yo'yo sa' li tenamit a'an. Laj Josué kixb'aanu re li awab'ej a'an jo' kixb'aanu re li awab'ej re Jerikó.

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

2 Samuel 21:2

Li awab'ej kixb'oqeb' laj Gabahón ut ki'aatinak rik'ineb'. (Eb' laj Gabahón moko aj Israeleb' ta, a'aneb' b'an xkomoneb' laj Amor. Junxil eb' laj Israel ke'xye sa' jurament naq ink'a' te'xkamsiheb', ab'an laj Saúl kiraj raj xsachb'aleb' sa' xk'ab'a' xraab'aleb' laj Israel ut eb' laj Judá.)

Jueces 1:4

Jo'kan naq eb' laj Judá koheb' chi yalok, ut li Qaawa' kixq'axtesi sa' ruq'eb' li xna'ajeb' laj Kanahán ut laj Perés. Sa' li tenamit Bések ke'xq'ax ruheb' oob' xka'k'aal o'q'ob' (10,000) chi winq.

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Josué 10:32

Li Qaawa' kixq'axtesi ajwi' Lakix sa' ruq'eb' laj Israel, ut sa' xkab' li kutan kichape'k li tenamit ut ke'kamsiik chi ch'iich' jo'k'ihaleb' li wankeb' xyu'am aran, kama' xk'ulumeb' laj Libná.

Josué 10:28

Sa' ajwi' li kutan a'an laj Josué kixchap Makedá. Kixkamsi chi ch'iich' li awab'ej ut chixjunileb' li poyanam: kixk'eheb' chi sache'k chi junajwa chixjunil li wankeb' xyu'am aran. Maajun chik kikanaak chi yo'yo sa' li tenamit a'an. Laj Josué kixb'aanu re li awab'ej re Makedá jo' kixb'aanu re li awab'ej re Jerikó.

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Josué 8:24

Naq eb' laj Israel ke'raqe'k chi xkamsinkil chi ch'iich' chixjunileb' laj Ay li ke'aanilasink reheb' toj sa' li chaqich'och', ke'sutq'iik wi' chik aran Ay ut ke'xkamsi chi ch'iich' jo'k'ihaleb' li wankeb' chisa'.

Deuteronomio 13:8

maapaab' chi moko chawab'i; maawil xtoq'ob'aal ru, maakuy xmaak chi moko taakol rix,

Deuteronomio 3:3

“Jo'ka'in naq li Qaawa' li qaYos kixq'axtesi sa' quq' laj Og, awab'ej re Basán, rochb'een chixjunil li xtenamit. Kiqaq'ax ruheb' toj reetal maajun kikanaak chi yo'yo.

Números 33:52

teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'.

Génesis 14:20

Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

Números 31:17

Kamsihomaqeb' anaqwan chixjunileb' li kok' teelom. Ut chixjunileb' li ixq ak wanjenaqeb' rik'in winq, kamsihomaqeb' ajwi'.

Deuteronomio 2:33

ab'an li Qaawa' li qaYos kixq'axtesiheb' sa' quq' ut kiqasach ruheb' rochb'eeneb' li ralal xk'ajoleb' ut chixjunileb' li poyanam.

Deuteronomio 2:34

Toja' naq kiqeechaniheb' chixjunil li xtenamit ut kiqaq'axtesiheb' chi oso'k: jo' winq, ixq ut kok'al, chi maajun kiqakanab' chi yo'yo.

Deuteronomio 7:16

Jo'kan utan, chasacheb' ru chixjunileb' li tenamit li tixk'e sa' laawuq' li Qaawa' laaYos; maak'e reetal xtoq'ob'aal ruheb' chi moko chaloq'oni ru li xyoseb', xb'aan naq a'anaq aara'lenkil.

Deuteronomio 19:13

Ink'a' taawil xtoq'ob'aal ru. Taawisi chi junajwa sa' xyanqeb' laj Israel li maak a'an, ut chi jo'kan us tat-elq sa' chixjunil.

Deuteronomio 25:12

laa'at taayok' li ruq' chi ink'a' taawil xtoq'ob'aal ru.

Deuteronomio 31:5

Li Qaawa' tixq'axtesiheb' sa' eeruq' ut laa'ex tento teeb'aanu reheb' jo' tz'aqal taqlanb'ilex wi' inb'aan.

Deuteronomio 33:27

Li najteril Yos a'an li namuheelank aawe; laa'at wankat junelik rub'el li xkupuhom. A'an na'aanilasink reheb' chawu li xik' neke'ilok aawe, ut naxye aawe: «Sacheb' ru».

Josué 9:7

Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

Esdras 10:3

Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Salmos 106:34

Ink'a' ke'xsach ruheb' li tenamit jo' ke'chaq'rab'iik wi' xb'aan li Qaawa',

Números 21:2

Toja' naq laj Israel kixye sa' jurament re li Qaawa': “Wi taaq'axtesi eb' li poyanam a'an sa' wuq', tinsach ruheb' chi junajwa li xtenamiteb'”, chan.

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.

Deuteronomio 13:9

taateneb' b'an li kamk sa' xb'een: laa'at li xb'enwa taanaq aawuq' sa' xb'een re xkamsinkil, chirix a'an taanaq li ruq'eb' chixjunil li tenamit.

Josué 11:8

Li Qaawa' kiq'axtesink reheb' sa' ruq'eb' laj Israel. Ke'xq'ax ruheb' ut ke'raanilasiheb' toj wan wi' li Nimla Sidón ut Misrepot ut, sa' xjayal releb'l saq'e, toj sa' xtaq'ahil Mispá. Ke'xsach ruheb': maajun chik kikanaak chi yo'yo.

1 Reyes 20:34

“Tinq'axtesi wi' chik aawe eb' li tenamit kixmaq' linyuwa' chiru laayuwa'. Chi jo'kan tatruuq chi xk'eeb'aleb' aak'ayib'aal aran Damaask, jo' xb'aanu linyuwa' sa' li tenamit Samaria”, chan laj Ben-Adad. Kichaq'ok laj Ajab: “Sa' xk'ab'a' li sumwank a'in, laa'in tatinkanab' chi xik”, chan. Ut kixk'ojob' li sumwank a'in rik'in laj Ben-Adab ut kixkanab' chi xik.