Deuteronomio 5:4 - Q'eqchi Bible

⁴ Li Qaawa' kexraatina chi xnaq' eeru chiru li tzuul, sa' xyi li xam.

Li Santil hu

⁴ Li Ka̱cuaꞌ quia̱tinac e̱riqꞌuin chi tzꞌakal saꞌ li xam aran saꞌ li tzu̱l.

Deuteronomio 5:4 ပူးပေါင်းရင်းမြစ်များ

Deuteronomio 34:10

Ab'anan arin Israel maajun chik propeet kiwakliik chaq jo' laj Moisés: li Qaawa' ut laj Moisés neke'xka'ya rib' naq neke'aatinak.

Deuteronomio 4:36

Toj sa' choxa katraatina chaq re aatzolb'al; sa' xb'een li ruuchich'och' kixk'ut chawu li xnimal xxam, ut sa' xyi li xam kawab'i li raatin.

Deuteronomio 4:33

Ma wank junaq tenamit xrab'i ta jo' naq xawab'i laa'at li xyaab' xkux li yo'yookil Yos chi aatinak sa' xyi li xam, ut kikanaak ta chi yo'yo?

Éxodo 19:9

Kixye li Qaawa' re laj Moisés: “K'e reetal, tinchalq aawik'in sa' jun li choql moymoy ru, re naq li tenamit tine'rab'i naq yooqin chawaatinankil, ut chi jo'kan junelik tate'xpaab'”. Naq laj Moisés kixnumsi re li Qaawa' li xyehom li tenamit,

Éxodo 33:11

Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

Números 14:14

Ut ke'xseeraq'i reheb' li wankeb' Kanahán. At Qaawa', ak neke'xnaw naq laa'at wankat sa' qayanq ut nakak'ut aawib' chiqu. Neke'xnaw naq laa'at, at Qaawa', wankat junelik sa' xb'een li tenamit a'in sa' laachoql; k'amolb'ehat chiruheb' chi kutan sa' li choql, ut chiru li q'oqyink, sa' li xam.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

Éxodo 20:1

Toja' naq li Yos kixye chixjunileb' li aatin a'in:

Deuteronomio 4:12

Aran li Qaawa' kexraatina chaq toj sa' xyi li xam. Laa'ex kerab'i xyaab' li raatin, ab'an maak'a' keril, ka'ajwi' xyaab' kuxej kerab'i.

Deuteronomio 4:15

“K'oxlahomaq chi us li teeb'aanu: maak'a' keril ru naq kexraatina li Qaawa' sa' li tzuul Horeb sa' xyi li xam.

Deuteronomio 5:22

“A'aneb' a'in li aatin kixye li Qaawa' eere toj sa' xyi li choql ut li xam chi kaw xyaab' xkux, naq ch'utch'uukex chi xtoon li tzuul. Chirix chik a'an maak'a' chik kixye, ut kixtz'iib'a chixjunil li aatin a'in chiru wiib' perpookil pek ut kixq'axtesiheb' we.