Deuteronomio 26:9 - Q'eqchi Bible

⁹ kooxk'am chaq sa' li na'ajej a'in ut kixk'e qe li ch'och' a'in k'ajo' xq'emal.

Li Santil hu

⁹ Ut aꞌan quicꞌamoc chak ke saꞌ li naꞌajej aꞌin, ut quixqꞌue ke li cha̱bil naꞌajej aꞌin li na-el cuiꞌ chi us li acui̱mk.

Deuteronomio 26:9 ပူးပေါင်းရင်းမြစ်များ

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Hechos 26:22

Ab'anan li Yos xinxtenq'a, ut chalen toj sa' li kutan a'in yookin chi xch'olob'ankil li yaal chiruheb' li kok' ut chiruheb' li ninq. Li yookin chi xyeeb'al, a'an ajwi' li ak yeeb'il chaq xb'aaneb' li propeet ut laj Moisés, chirix li k'aru tento taak'ulmanq:

Ezequiel 20:15

«Sa' ajwi' li chaqich'och' kinye injurament naq ink'a' te'ok sa' li na'ajej insik'om cho'q reheb', a' li xq'emal li ch'och' ut jwal chaab'il sa' xyanqeb' chixjunileb' li na'ajej.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Salmos 105:44

Ut kixk'e reheb' li xch'och'eb' li poyanam: ke'reechani li ru xk'anjeleb' li jalaneb' xtenamit,

1 Samuel 7:12

Toja' naq laj Samuel kixchap jun li pek, kixxaqab' sa' xyanq Mispá ut Yesaná, ut Ebén-Eser kixk'e cho'q xk'ab'a', xb'aan naq kixye: “Toj arin xooxtenq'a li Qaawa'”, chan.

Josué 23:14

“Laa'in wulak re xq'ehil linkamik, ab'an xb'enwa nawaj naq teek'e sa' xnaq' eeru chi anchal eech'ool, chi anchal eeraanm naq chixjunil li xyeechi'om chaq li Qaawa' leeYos cho'q eere, ak xtz'aqlok ru; maajun ink'a' ta x'uxk.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Deuteronomio 26:15

Chalen chaq sa' laaloq'laj muheb'aal, toj sa' xb'een li choxa, chawil ut chawosob'tesi chaq laatenamit Israel, jo' ajwi' li ch'och' k'ajo' xq'emal xak'e qe, jo' chanru xayeechi'i chaq reheb' li qana' qayuwa'».

Deuteronomio 27:3

ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'.

Deuteronomio 6:3

Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.