Deuteronomio 10:2 - Q'eqchi Bible

² Chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li perpookil pek li xajor, ut taak'uula sa' li kaax», chan we.

Li Santil hu

² La̱in tintzꞌi̱ba chiru li pec li a̱tin li quintzꞌi̱ba chiru li pec li xajor. Ut la̱at ta̱xoqueb saꞌ li ca̱x li ta̱yi̱b”, chan.

Deuteronomio 10:2 ပူးပေါင်းရင်းမြစ်များ

1 Reyes 8:9

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Deuteronomio 10:5

Laa'in kinkub'eek wi' chik, kink'eheb' li tz'alam pek sa' li loq'laj kaax kinyiib', ut aran ke'kanaak, jo' kinxtaqla wi' li Qaawa'”.

Deuteronomio 4:13

Li Qaawa' kixk'e chenaw li Sumwank ut kixye eere naq tento xk'anjelankil ru li lajeeb' chi aatin li kixtz'iib'a chiru wiib' perpookil pek.

Éxodo 40:20

Moqon chik kixchap li reetalil li Sumwank ut kiroksi sa' li Loq'laj Kaax; kixch'ikeb' li che' re xpaqonkil li Loq'laj Kaax, ut taqe'q kixk'e xtz'apb'al xb'een.

Éxodo 34:1

Kixye li Qaawa' re laj Moisés: “Tuqub' ru wiib' perpookil pek kama'eb' li xe'wank xb'enwa, ut chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li xajor.

2 Crónicas 5:10

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Éxodo 32:19

Naq laj Moisés kijilok chi xk'atq li xmuheb'aaleb' ut kiril li saaj wakax yiib'anb'il rik'in oor ut li xajok, k'ajo' naq kichalk xjosq'il! Kixkuteb' li tz'alam pek wank sa' ruq' ut kixpuk'iheb' sa' xtoon li tzuul.