Daniel 9:7 - Q'eqchi Bible

⁷ «At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Li Santil hu

⁷ At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Daniel 9:7 ပူးပေါင်းရင်းမြစ်များ

Daniel 9:14

Jo'kan naq li Qaawa' kixk'uub' chi junxilaj li rahilal a'in ut anaqwan xtaqla chaq sa' qab'een, xb'aan naq tiik xch'ool li Qaawa' li qaYos ut laa'o ink'a' xqaj rab'inkil li xyaab' xkux.

Daniel 9:8

At Qaawa', xnumtaak li xutaan sa' qab'een, sa' xb'eeneb' li awab'ej, eb' laj k'amol qab'e jo' ajwi' sa' xb'eeneb' li qaxe' qatoon xb'aan naq xqaq'et laachaq'rab'.

Jeremías 3:25

Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Salmos 44:15

xoohaakanab' jo' xb'atz'uuleb' li poyanam, neke'reek'asi li xjolomeb' naq nokoohe'ril.

Deuteronomio 4:27

Li Qaawa' texxcha'cha'i sa' xyanqeb' li tenamit ut yal ink'a' chik k'i texkanaaq sa' xyanqeb' li tenamit texxk'am wi' li Qaawa'.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Amós 9:9

Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Ezequiel 16:63

Chi jo'kan taajultiko'q aawe, taakub'si laawankil ut ink'a' chik taate laawe xb'aan laaxutaan, naq tinkuy tinsach chixjunileb' laamaak»”, chan li Qaawa'.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

Isaías 45:16

Sachsooqeb' xch'ool te'kanaaq laj yiib'ahom jalanil yos, te'kub'siiq xwankil ut te'se'eeq.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Salmos 119:137

At Qaawa', jwal tiik laach'ool; k'ajo' naq nakatraqok aatin sa' tiikilal!

Salmos 51:14

Chak'e wi' chik naq chiweek'a li sahilal li nachalk rik'in laakolom; chak'e xkawub' linch'ool rik'in laachaab'il musiq',

Salmos 51:4

chawisi chi junwaakaj li ink'a' us xinb'aanu ut chinaach'ajob'resi chiru linmaa'usilal.

Nehemías 9:33

Laa'at tiik laach'ool ut paab'ajelat sa' chixjunil li kichalk sa' qab'een, a'ut laa'o koomaakob'k.

Esdras 9:13

“Chirix naq xqak'ul chixjunil a'in xb'aan li qamaak ut li qamaa'usilal (us ta laa'at, at qaYos, ink'a' xoohaak'e chi xtojb'al rix li qamaak jo' qak'ulub' raj xk'ulb'al, xoohaak'e b'an chi wank chi ach'ab'anb'il),

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Jeremías 33:16

Chiruheb' li kutan a'an, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a' Jerusalén: «Li Qaawa' a'an laj kolol qe».

Ezequiel 6:12

Li wanq chaq chi najt, taakamq xb'aan li raxkamk; li wanq chi nach' taakamq sa' li raaxiik'; ut eb' li te'kole'q, te'kamq xb'aan li we'ej naq taasutmanq rix li tenamit. Chi jo'kan twisi linjosq'il sa' xb'eeneb'.

Daniel 9:18

K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Jeremías 4:17

Jo'keb' laj k'aak'alenel ch'och' naq te'xsut Jerusalén xb'aan naq xq'etq'eti rib' chiwu -chan li Qaawa'-.

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Ezequiel 5:10

Wanqeb' na'b'ej yuwa'b'ej te'xtiw eb' li ralal xk'ajol ut wanqeb' alal k'ajolb'ej te'xtiw li xna' xyuwa' sa' eeyanq. Tinraqoq aatin sa' eeb'een, ut tincha'cha'iheb' junsut junrub'el choxa jo'k'ihaleb' li xe'kole'k.