Daniel 9:3 - Q'eqchi Bible

³ Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Li Santil hu

³ Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.

Daniel 9:3 ပူးပေါင်းရင်းမြစ်များ

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Ester 4:16

“Ayu ut ch'utub'eb' chixjunileb' laj Judiiy li wankeb' sa' li tenamit Susa ut ayuuninqex chiwix. Ink'a' texwa'aq chi moko tex'uk'aq chiru oxib' kutan ut oxib' q'oqyink. Jo'kan ajwi' tinb'aanu laa'in wochb'eeneb' li ixq aj k'anjeleb' chiwu. Chirix chik a'an, us ta ink'a' naxye sa' li chaq'rab', laa'in tinwulaq rik'in li awab'ej. Ut wi tine'xkamsi, kamqin”.

Esdras 9:5

Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

Esdras 10:6

Chirix chik a'an laj Esdras ki'elk sa' rochoch li Yos ut koho sa' xmuheb'aal laj Johanán, ralal laj Eliasib, b'arwi' kixnumsi li q'oqyink chi ink'a' kiwa'ak ki'uk'ak, xb'aan naq q'axal ra sa' xch'ool chirix li maak ke'xb'aanu li ke'sutq'iik chaq.

Esdras 8:21

Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

Hechos 10:30

Kichaq'ok laj Kornelio, ut kixye: —Kohejer, sa' ajwi' li honal a'in, yookin chi tijok sa' wochoch jo' na'uxmank sa' oxib' honal, xaqaamil chiwu jun li winq nalemtz'unk li raq',

San Lucas 2:37

Anaqwan xmalka'an chik ut kaahib' ro'k'aal chihab' wank re. Ink'a' naxkanab' li rochoch li Yos, yo chi k'anjelak chiru li Qaawa' chi q'eq ut chi kutan rik'in kuyuk sa' ut tijok.

Joel 2:12

“Ut anaqwan sutq'inqex chaq wik'in chi anchal leech'ool, rik'in ayuunik, yaab'ak ut rik'in tz'uyink”, chan li Qaawa' Yos.

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Ezequiel 36:37

«Laa'in, li Qaawa', ninye chi jo'ka'in: Toj wank chik xkomon li tinb'aanu reheb' li ralal xk'ajol laj Israel. Tink'eheb' wi' chik chi k'ihank jo' yooqeb' chi xpatz'b'al, ut te'tamq chi us jo'kaqeb' li ketomq.

Salmos 35:13

Naq xe'yajerk eb' a'an, laa'in xink'e saak chiwix, xinyot' linch'ool rik'in ayuun, ut kok'aq xsa' yookin chi tijok sa' li waanm.

Daniel 6:10

Naq laj Daniel kixnaw a'an, koho sa' li rochoch. Li xwarib'aal wank sa' xkab' k'ojar li ochoch ut li xb'entaanil wank sa' xjayal Jerusalén; ox sut chiru li jun kutan laj Daniel naxwiq'ib' rib' chi tijok ut b'anyoxink chiru li xYos, jo' naxb'aanu junelik.

Nehemías 9:1

Sa' li kaahib' xka'k'aal xb'e li po a'an ke'xch'utub' rib'eb' laj Israel re ayuunik chi tiqtookeb' rik'in q'es ruhil t'ikr ut wank pojtz' sa' xjolomeb'.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Daniel 9:2

laa'in laj Daniel kin'ok chi xtz'ilinkil rix li lajeeb' xkaak'aal chihab' taawanq wi' chi juk'b'il ru li tenamit Jerusalén, jo' kiyehe'k re laj Jeremías xb'aan li Yos.

Daniel 9:4

Kinxooto li qamaak chiru li Qaawa' linYos ut kinye re: «At Qaawa', at Nimajwal Yos nim aawankil, laa'at junelik nakapaab' laaSumwank ut nakak'ut naq xaqxo laarahom rik'ineb' li neke'rahok aawe ut neke'xpaab' laachaq'rab'.

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Jonás 3:5

Eb' laj Nínive ke'xpaab' raatin li Yos: ke'xkanab' wa'ak ut ke'xk'e q'es ruhil t'ikr chirixeb', reetalil li rahil ch'oolejil. Chixjunileb', li ninqeb' ut li maak'a'eb' xwankil, ink'a' ke'xyal wa'ak chiru li kutan a'an.

2 Samuel 12:16

Toja' naq laj David ki'ok chi tz'aamank ut elajink chiru li Qaawa' chirix li k'uula'al. Ki'ayuunik ut rajlal naq na'ok sa' rochoch, naxnumsi li q'oqyink chi yokyo sa' ch'och'.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.