Daniel 9:2 - Q'eqchi Bible

² laa'in laj Daniel kin'ok chi xtz'ilinkil rix li lajeeb' xkaak'aal chihab' taawanq wi' chi juk'b'il ru li tenamit Jerusalén, jo' kiyehe'k re laj Jeremías xb'aan li Yos.

Li Santil hu

² saꞌ ajcuiꞌ li chihab aꞌan nak cuan chokꞌ rey laj Darío, la̱in aj Daniel quin-oc chirilbal saꞌ li Santil Hu ut quicuil nak laje̱b xca̱cꞌa̱l chihab ta̱cua̱nk chi jucꞌbil ru li tenamit Jerusalén joꞌ quiyeheꞌ re laj Jeremías xban li nimajcual Dios.

Daniel 9:2 ပူးပေါင်းရင်းမြစ်များ

Jeremías 29:10

“Xb'aan naq jo'ka'in xye li Qaawa': «Ka'ajwi' taaraqe'q li lajeeb' xkaak'aal chihab' leewanjik rub'el xwankileb' laj Babilonia, laa'in texwula'ani ut tinb'aanu li kinyeechi'i eere, naq texsutq'iiq chaq wi' chik sa' li na'ajej a'in.

2 Crónicas 36:21

Chi jo'kan kitz'aqlok ru li xyehom li Qaawa' chi xtz'uumal re laj Jeremías li propeet: “Li na'ajej taakanaaq chi po'lemil ut taahilanq chiru lajeeb' xkaak'aal chihab', re xtojb'al rix chixjunileb' li hilob'aal kutan ink'a' ke'roxloq'i xb'enwa”.

Apocalipsis 1:3

Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Esdras 1:1

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Qaawa' kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankeb' rub'el li xwankil:

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Jeremías 25:18

Kink'e chi ruk'eb' laj Jerusalén, eb' laj Judá, jo'wi' kink'e reheb' li awab'ej ut eb' li xninqal ru winq, re xsachb'al ruheb' ut xkanab'ankileb' chi kok'putz' chi junajwa ut chi xiwajelaq rilb'al, chi tz'eqtaananb'ilaqeb' ut majewanb'ilaqeb', jo' wankeb' chalen toj anaqwan.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Isaías 64:10

Eb' laasantil tenamit neke'kirirnak xe'kanaak, maajun chik wank sa' li tenamit Sión ut Jerusalén xkanaak chi po'lemil.

1 Timoteo 4:13

K'e aach'ool chi rilb'al xsa' li Santil Hu sa' li komonil, jo'wi' chi k'ehok na'leb' ut chi xtzolb'aleb' laj paab'anel toj reetal tinwulaq eerik'in.

Hechos 8:34

Li xnimal ru winq kixye re laj Felipe: —Nintz'aama chawu, ye we ani chi aj ix yo chi aatinak li propeet: ma chirix ajwi' a'an, malaj chirix jalan chik?

San Marcos 13:14

“Naq teeril li xnimal tz'i'b'eetalil yooq xb'aanunkil b'arwi' ink'a' raj xk'ulub' (ani na'ilok ru hu chixtawaq xyaalal), toja' naq eb' li wanqeb' Judea eleliqeb' ut che'xikaq toj chiru tzuul.

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Salmos 119:24

Laawaatin nak'ehok xsahil linch'ool; a'an tz'aqal naxk'e inna'leb', at Qaawa'.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 1:1

A'an a'in resil li xyehom xb'aanuhom laj Jeremías, ralal laj Jilkías, xkomoneb' laj tij li ke'wank sa' li tenamit Anatot, sa' xteepaleb' laj Benjamín.

Daniel 9:3

Kintijok chiru li Qaawa', kintz'aamank ut kin'elajink rik'in ayuunik ut xb'atb'al wib' sa' q'es ruhil t'ikr, ut kink'ojob' wib' sa' cha.

Zacarías 1:12

Ut li x'ánjel li Qaawa' kixye: “At Nimajwal Yos, ak wank lajeeb' xkaak'aal chihab' yo laajosq'il sa' xb'een Jerusalén ut Judá. Toj jo'q'e taawuxtaana ruheb'?”.

Ezequiel 29:11

Maajun chik taanume'q aran, chi moko poyanam chi moko xul. Chiru ka'k'aal chihab' maak'a' taawanq aran.