Daniel 9:18 - Q'eqchi Bible

¹⁸ K'e chaq laaxik chi ab'ink, at inYos. Chak'e reetal li qarahilal ut chawil taxaq chanru wank laatenamit Jerusalén: nakirirnak aj chik li na'ajej nayaab'asimank wi' laak'ab'a'. Moko kaw ta qach'ool xb'aan xtiikilal li qab'aanuhom, rik'in b'an li xnimal aawuxtaan. Jo'kan naq chawab'i taxaq li qatij.

Li Santil hu

¹⁸ Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

Daniel 9:18 ပူးပေါင်းရင်းမြစ်များ

Isaías 37:17

Ab'i, at Qaawa', ut chak'e reetal; chate xsa' laawu ut chawil li neke'xb'aanu. Ab'i li aatin li xtaqla chaq xyeeb'al laj Senakerib, re aamajewankil laa'at li yo'yookil Yos.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 25:29

ok we chi xtaqlankil li rahilal sa' xb'een li tenamit sik'b'il ru inb'aan. Ma nekek'oxla naq texkole'q? Moko texkole'q ta, xb'aan naq ok we chi xtaqlankil chaq li raaxiik' sa' xb'een chixjunileb' li poyanam li wankeb' sa' ruuchich'och' -chan li Nimajwal Yos».

2 Reyes 19:16

Ab'i, at Qaawa', ut k'e reetal; chate xsa' laawu ut chawil li neke'xb'aanu. Ab'i li aatin li xtaqla chaq xyeeb'al laj Senakerib, re aamajewankil laa'at li yo'yookil Yos.

Ezequiel 36:32

Laa'in, li Qaawa', ninyehok re a'in: Ex aj Israel, chenawaq chi us naq moko sa' eek'ab'a' ta naq tinb'aanu a'in. Xutaanaqex ut chekub'si leewankil xb'aan leeyehom ut leeb'aanuhom.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Jeremías 37:20

Ab'i anaqwan li tinye aawe, at awab'ej; chak'e taxaq li nintz'aama chawu: minaataqla chik sa' rochoch laj Jonatán, laj tz'iib', re naq ink'a' tinkamq aran”.

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

1 Reyes 8:29

Chawil taxaq li ochoch a'in chi q'eq ut chi kutan, sa' li na'ajej a'in li kaye naq arin wanqat chi junelik. Chawab'i li naxtz'aama laj k'anjel chawu sa' li na'ajej a'in.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Isaías 64:12

Ut rik'in rilb'al chixjunil a'an, at Qaawa', ma ink'a' traho'q laach'ool? Ma tatkanaaq chi ch'anch'o ut toj yooqat chi qarahob'tesinkil?

Salmos 116:1

Ninra li Qaawa' xb'aan naq narab'i lintij,

Daniel 9:7

«At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Números 6:27

Jo'ka'an naq te'xyaab'a link'ab'a' sa' xb'eeneb' laj Israel, ut laa'in twosob'tesiheb'”.

Salmos 25:6

Chijultiko'q taxaq aawe, at Qaawa', laawusilal jo' ajwi' laarahom li wank chi junelik.

Isaías 43:7

k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Ezequiel 36:22

“Jo'kan naq ye reheb' laj Israel chi jo'ka'in: «Jo'ka'in xye li Qaawa': Li k'aru ok we chi xb'aanunkil, maawa' sa' eek'ab'a' laa'ex, ex aj Israel, sa' xk'ab'a' b'an linsantilal li xemux laa'ex sa'eb' li tenamit b'arwi' xexwank chaq.