Daniel 9:16 - Q'eqchi Bible

¹⁶ At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Li Santil hu

¹⁶ At Ka̱cuaꞌ, la̱o nakanau nak la̱at nacat-uxta̱nan u. Joꞌcan nak nakatzꞌa̱ma cha̱cuu nak incꞌaꞌ ta chic tatjoskꞌokꞌ saꞌ xbe̱n la̱ tenamit Jerusalén xban nak aꞌan la̱ lokꞌlaj tenamit. Aꞌan la̱ lokꞌlaj tzu̱l Sión. Xban li ma̱usilal nakaba̱nu ut xban li ma̱c queꞌxba̱nu li kanaꞌ kayucuaꞌ, xuta̱nal na-el ut seꞌenbil la̱ tenamit Jerusalén xbaneb li jalan tenamit.

Daniel 9:16 ပူးပေါင်းရင်းမြစ်များ

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Salmos 31:1

Re li xjolomileb' laj b'ichanel. Xsaalm laj David.

Salmos 79:4

Xutaanalo wi' chiruheb' li tenamit nach' wankeb', eb' li wankeb' chi qasutam nokoohe'xse'e ut nokoohe'reetz'u.

Salmos 71:2

Sa' xk'ab'a' xtiikilal laach'ool chinaakol ut ach'ab'in; k'e laaxik chi wab'inkil ut chinaakol!

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

2 Ts 1:6

Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

Ezequiel 5:14

Tatinsutq'isi jo' jun tuub' aj chik chi pek, a Jerusalén; xutaanalaqat chiruheb' li tenamit li wankeb' chasutam, ut jo'k'ihaleb' li te'nume'q aran tate'xse'e.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Jeremías 29:18

Texinrahob'tesi rik'in li raaxiik', li we'ej ut li raxkamk, ut q'axal xiwajel texkanaaq cho'q reheb' chixjunil li tenamit; texmajewaaq, texse'eeq, tex'eetz'uuq ut xutaanalaqex yalaq b'ar xexincha'cha'i.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Salmos 143:1

Xsaalm laj David. At Qaawa', chawab'i taxaq lintij, chak'e reetal li nintz'aama chawu, chinaasume taxaq xb'aan xtiikilal laach'ool.

Salmos 41:13

Laa'at tatk'ehoq xkawub' linch'ool xb'aan naq maak'a' inmaak; junelik tinaak'ul rub'el laawoq rub'el laawuq'.

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.

1 Samuel 2:7

Li Qaawa' nab'ihomob'resink ut namaq'ok, najuk'uk ut nawaklesink wi' chik.

Salmos 85:4

Xawisi laajosq'il sa' qab'een ut xasach sa' laawaanm li xpo'ik aach'ool.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Jeremías 32:31

Chalen chaq sa' xtiklajik, li tenamit a'in junes injosq'il neke'xyoob'. Jo'kan naq twisiheb' sa' xnaq' wu,

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Salmos 89:51

At Qaawa', jultikaq aawe chanru neke'hob'e'k laj k'anjel chawu. Makach'in li yookin xkuyb'al xb'aaneb' li tenamit!

Ezequiel 22:4

Rik'in li kamsink xab'aanu, xab'oq raqb'a aatin sa' aab'een ut xamux aawib' rik'in naq xayiib' aajalanil yos. Xaseeb'a laawoso'jik ut xak'os roq laayu'am. Jo'kan naq tatink'e chi eetz'uuk ut chi se'eek xb'aaneb' chixjunil li tenamit.