Daniel 9:15 - Q'eqchi Bible

¹⁵ «At Qaawa', at qaYos, laa'at kak'ut li xnimal aawankil naq kawisiheb' chaq laatenamit aran Ejiipt. Sa' xk'ab'a' a'an q'axal nawno aawu chalen toj anaqwan, ab'an laa'o xoomaakob'k ut xqab'aanu li ink'a' us.

Li Santil hu

¹⁵ At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.

Daniel 9:15 ပူးပေါင်းရင်းမြစ်များ

Nehemías 9:10

Kab'aanu xninqal eetalil ut sachb'ach'oolej sa' xb'een laj Parahón, sa' xb'eeneb' laj k'anjel chiru jo'wi' sa' xb'een chixjunil li xtenamit, xb'aan naq aawilom chanru naq ke'xq'etq'eti rib' chiruheb' laj Israel. Jo'kan naq chalen anaqwan nawno aawu yalaq b'ar.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Nehemías 1:10

“At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Éxodo 14:18

Ut naq taanimaaq inloq'al rik'in li te'xk'ul laj Parahón, eb' laj puub', li xb'eleb'aal ch'iich' ut eb' li wankeb' chirixeb' li kawaay, te'xnaw eb' laj Ejiipt naq laa'in li Qaawa'”.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

2 Corintios 1:10

A'an xkolok chaq qe chiru li nimla rahilal a'an ut toj yooq chi qakolb'al. A'an kaw wi' li qach'ool naq toj yooq chi qakolb'al,

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

San Lucas 15:21

Ut li ralal kixye re: «Wa', xinmaakob'k chiru li choxa ut chawu laa'at. Ink'a' chik ink'ulub' naq tink'ab'a'in aawalal».

Isaías 55:13

Sa' xna'aj li k'ix taayo'laaq li saqichaj, ut sa' xna'aj li k'aamla taayo'laaq li waa'uut. Chixjunil a'an taak'ulmanq re xk'eeb'al xloq'al li Qaawa'; a'anaq jun xnimal eetalil li maajoq'e taasachmanq.

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

1 Reyes 8:51

Xb'aan naq a'aneb' aatenamit ut aaweechanihom. Laa'at kat-isink chaq reheb' aran Ejiipt, sa' li tenamit ke'xk'ul wi' chaq k'iila rahilal.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

2 Reyes 21:15

xb'aan naq ke'xb'aanu li ink'a' nawulak chiwu ut ke'xchiq' injosq'il chalen naq ke'elk chaq Ejiipt eb' li xxe'toonil yuwa'eb' toj anaqwan»”.

2 Crónicas 6:37

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Nehemías 1:6

Nintz'aama chawu naq chawil taxaq xtoq'ob'aal wu ut chawab'i lintij chi q'eq ut chi kutan sa' xk'ab'a'eb' laj Israel aj k'anjeleb' chawu. Yaal naq xoomaakob'k chawu laa'in ut eb' li wech'alal; xoomaakob'k laa'o aj Israel

Isaías 64:4

Maajun wa x'ab'imank chi moko x'ilmank jun sutaq naq junaq chik yos xb'aanu li xab'aanu laa'at cho'q reheb' li neke'paab'ank chiru.

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Lamentaciones 3:42

Xoomaakob'k ut xqaq'et laawaatin, at Qaawa'; ut laa'at ink'a' xakuy qamaak.

Ezequiel 5:6

A'ut eb' a'an ke'xtz'eqtaana linchaq'rab' ut eb' li waatin, ut q'axal yib' wi' chik ru li xb'aanuhomeb' chiruheb' li tenamit wankeb' chi xsutam. Ink'a' ke'xpaab' li waatin chi moko ke'wank jo' naxye linchaq'rab'.