Daniel 9:12 - Q'eqchi Bible

¹² «Li Qaawa' xb'aanu li yeeb'il chaq chiqix ut chirixeb' laj jolominel qe: xtaqla chaq jun nimla rahilal sa' qab'een ut sa' xb'een Jerusalén, li maajun wa k'ulb'il junsutaq sa' ruuchich'och'.

Li Santil hu

¹² La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Daniel 9:12 ပူးပေါင်းရင်းမြစ်များ

Ezequiel 5:9

jo' maajun wa xinb'aanu chi moko tinb'aanu chik moqon, xb'aan laatz'i'b'eetalil maa'usilal.

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Isaías 44:26

Ab'an ninxaqab' xwankil li raatineb' laj k'anjel chiwu ut ninb'aanu naq us te'elq eb' lintaql. Laa'in ninye naq taatenamito'q wi' chik Jerusalén, ut ninjultika naq eb' li tenamit sa' xteepal Judá te'waklesiiq wi' chik. Laa'in tinwaklesinq reheb' sa' li xpo'lemil.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Li xHu LAJ JOB 12:17

Li Yos naxpo' xna'leb'eb' laj k'ehol na'leb' ut naxmemob'resi eb' laj raqol aatin.

Romanos 15:8

Rik'in a'in yookin chi xyeeb'al naq li Kriist kixk'e rib' cho'q aj k'anjel chiruheb' laj Judiiy, re naq chitz'aqloq ru li kiyeechi'iik chaq reheb' li qana' qayuwa', xb'aan naq tiik xch'ool li Yos.

San Lucas 21:22

xb'aan naq a'anaq xkutankil li q'ajkamunk ut taatz'aqloq ru chixjunil li tz'iib'anb'il chaq.

San Marcos 13:19

Xb'aan naq k'ajo'aq xnimal li xrahilaleb' li kutan a'an: maajun wa wanjenaq jo' a'an, chalen chaq sa' xtiklajik li ruuchich'och' li kiyiib'aak xb'aan li Yos, toj anaqwan; chi moko taak'ulmanq chik.

San Mateo 24:21

Xb'aan naq k'ajo'aq xnimal li rahilal taawanq sa'eb' li kutan a'an: maajun wa wanjenaq jo' a'an chalen chaq sa' xtiklajik li ruuchich'och' toj anaqwan, chi moko taak'ulmanq chik.

San Mateo 5:18

Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.

Zacarías 1:8

Kiwil sa' moy u chiru li q'oqyink a'in jun li winq k'ojk'o sa' xb'een jun kawaay kaq rix ut xaqxo sa' xyanqeb' li waa'uut sa' roq taq'a; ut wankeb' chik kawaay kaq rix, chaacha rixeb' ut saqikawaayeb'.

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Ezequiel 13:6

Moko yaal ta naq neke'ilok moy u, ut tik'ti' li neke'xye. Neke'xye naq laa'in xintaqlank reheb' chi aatinak, ab'an moko yaal ta. Ut neke'royb'eni naq taatz'aqloq ru li raatineb'!

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Proverbios 8:16

Sa' ink'ab'a' wankeb' xwankil li xjolomileb' li tenamit, ut tiik xch'ooleb' chixjunileb' laj raqol aatin.

Salmos 148:11

laa'ex x'awab'ej li ruuchich'och' ut chejunilex li tenamit, ex xninqalex ru winq ut chejunilex laj raqol aatin sa' ruuchich'och',

Salmos 2:10

Jo'kan utan, ex awab'ej, chetawaq ru, jalomaq leek'a'uxl laa'ex li wank eewankil sa' ruuchich'och'.

1 Reyes 3:9

Nintz'aama b'i' chawu naq taak'e taxaq inna'leb' re xb'eresinkil laatenamit ut re xnawb'al b'ar wank li us ut li ink'a' us. Xb'aan naq ani taaruhanq chi xk'amb'al xb'e li tenamit a'in li k'ajo' xk'ihaleb'?”.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Jeremías 32:23

A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Jeremías 39:16

“Ohat ut ye re laj Ebedmélek, aj Etiopía: «Jo'ka'in xye li Nimajwal Yos, xYos laj Israel: Ok we chi xb'aanunkil li xinye chirix li tenamit a'in, re xrahob'tesinkil ut maawa' re rusilankil ru. Ut laa'at taawil rik'ineb' laawu sa' li kutan a'an.

Jeremías 44:23

Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

Zacarías 7:12

ke'xkawub'resi li xch'ooleb' jo' li raxpek, re naq ink'a' ke'xpaab' li xchaq'rab' ut eb' li raatin li Nimajwal Yos naq kixtaqla chaq li xmusiq', chi xtz'uumal reheb' li najter propeet. Jo'kan naq k'ajo' naq kijosq'o'k li Nimajwal Yos, ut kixye:

2 Reyes 22:16

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin, jo' tz'iib'anb'il sa' li hu xyaab'asimank xsa' xb'aan li awab'ej re Judá,

Isaías 43:28

Jo'kan naq kinsach ruheb' li xjolomileb' li tenamit, kink'e chi sache'k laj Jakob chi junajwa ut kinq'axtesi laj Israel chi majewaak.