Daniel 8:8 - Q'eqchi Bible

⁸ Li teelom chib'aat ki'ok chi nimank li xtib'el ut q'axal chik kikawuuk li xmetz'ew; ab'anan naq ak kaw chik rib' chi us, kitoqe'k li xnimla xukub' ut sa' xna'aj a'an ke'elk chaq kaahib' chi xukub', li yookeb' chi ilok sa' xkaaxukuutil li ruuchich'och'.

Li Santil hu

⁸ Ut yo̱ chi nima̱nc xcuanquil li chiba̱t ut yo̱ ajcuiꞌ chixnimobresinquil rib. Nak ac xniman chi us lix cuanquilal, quitokeꞌ lix nimla xucub ut aran queꞌel ca̱hib chic lix xucub chokꞌ re̱kaj li jun li quitokeꞌ. Saꞌ xca̱ pacꞌalil li ruchichꞌochꞌ nequeꞌiloc li ca̱hib chi xucub. Jun na-iloc saꞌ li sur, jun na-iloc saꞌ li norte, ut jun na-iloc saꞌ li este li na-el cuiꞌ li sakꞌe ut li jun chic na-iloc saꞌ li oeste li na-oc cuiꞌ li sakꞌe.

Daniel 8:8 ပူးပေါင်းရင်းမြစ်များ

Daniel 7:2

A'an a'in li kixtz'iib'a: “Laa'in laj Daniel kiwil sa' linmatk' chiru q'oqyink naq sa' xkaapak'alil li choxa kichalk li iq' ut kolxwulk'usi ru eb' li palaw,

Apocalipsis 7:1

Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.

Daniel 8:22

Eb' li kaahib' chi xukub' li xe'elk sa' xna'aj li xtoqe'k, a'aneb' reetalil li kaahib' chi awab'ej li te'wakliiq aran Grecia, us ta ink'a' jwal kaweb' rib'.

Daniel 8:5

“Toj yookin ajwi' chi k'oxlak chirix a'in, naq kiwil jun teelom chib'aat kichalk chaq sa' xjayal rokeb'l li saq'e, chi ak xb'eeni chaq li ruuchich'och' sa' iq'. Li teelom chib'aat a'in wank jun xnimal xxukub' chiru li xpeekem.

Daniel 5:20

Ab'anan kixnimob'resi rib' ut q'axal kiq'etq'eto'k; jo'kan naq ki'isiik sa' xwankil ut kimaq'e'k chiru li xloq'al.

2 Crónicas 26:16

Ab'anan naq kinimank li xwankil, kiq'etq'eto'k toj reetal kixsik' xrahilal: kixq'etq'eti rib' chiru li Qaawa' li xYos, xb'aan naq ki'ok sa' rochoch li Qaawa' chi k'atok k'ajpom sa' xb'een li artal.

San Marcos 13:27

Ut tixtaqlaheb' li x'ánjel sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xmaril li ruuchich'och' toj sa' xmaril li choxa.

San Mateo 24:31

Ut tixtaqlaheb' li x'ánjel rik'in xkawil yaab' tronpeet sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xtiklajik li choxa toj sa' xmaril.

Daniel 11:4

Ab'an naq ak xk'ojlaak li xwankil, tixjach rib' li x'awab'ejihom ut kaahib' jachal taa'isiiq. Maajun li ralal xk'ajol te'eechaninq li awab'ejilal chi moko te'wanq xwankil jo' xwankil a'an, xb'aan naq taajuk'e'q li x'awab'ejihom ut jalaneb' chik te'eechaninq re.

Daniel 7:6

“Naq yookin chi ilok, kiwil jun chik li xul, kama' li hix, li wank kaahib' xxik' chirix ut wank kaahib' xjolom. Ut kik'ehe'k xwankilal.

Daniel 4:31

Toj yo ajwi' xyeeb'al eb' li aatin a'in li awab'ej, naq ki'ab'imank jun xyaab' kuxej kichalk chaq sa' choxa ut kixye: “Aawik'in nin'aatinak, a Nabukodonosor. Xmaq'mank chawu laa'awab'ejihom.

Ezequiel 28:9

Ma toj yooqat chi xk'oxlankil naq laa'at yos naq wanqat chiruheb' laj rahob'tesinel? Ab'anan naq wanqat sa' ruq'eb' li te'kamsinq aawe, taak'e reetal naq yal winqat ut moko yosat ta.

Ezequiel 16:7

ut katink'e chi k'iik jo' li raxpim chiru li tzuultaq'a. Katk'iik, katnimank toj reetal kat-ixqilo'k chi jwal ch'ina'usat. Kininqank li re aach'ool ut kichamo'k eb' laawismal; ab'anan t'ust'uukat.

Jeremías 5:27

Chanchan naq nujenaq chi xik'anel xul li xra'aleb', jo'kan naq li rochocheb' nujenaq chi k'a'aq ru elq'anb'il; xe'ninqank xwankil ut xe'b'ihomo'k,

Ester 9:4

a'in nim xwankil sa' rochoch li awab'ej ut nawno ru yalaq b'ar; rajlal kutan yo chi nimank xwankil.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Jeremías 49:36

Sa' xkaaxukuutil li ruuchich'och' te'chalq li kaahib' chi iq', re naq te'xcha'cha'iheb' laj Elam sa' chixjunil li ruuchich'och' ut yalaq b'ar te'wulaq chi xkolb'al rib'eb'.

Daniel 8:7

Kiwil chanru naq ki'ok chi xxeq'b'al xb'aan xjosq'il: kixtoqi li xxukub' li karneer, chi ink'a' kiruhank chi xkolb'al rib' chiru, kixkut chiru ch'och' ut kixyeq'i sa' roq, chi maajun kikolok re li karneer sa' ruq' li teelom chib'aat.