Daniel 8:3 - Q'eqchi Bible

³ Naq kintaqsi li wilob'aal, kiwil jun karneer xaqxo chire li nima', wank wiib' xninqi xukub'. Ab'an jun jwal nim chiru li jun chik; ut li nim, a'an li kiyo'laak moqon.

Li Santil hu

³ Ut nak yo̱quin chi iloc aran, quicuil jun te̱lom carner chire li nimaꞌ. Cuan cuib li xucub najt rok. Li xucub li qui-el mokon, aꞌan kꞌaxal cuiꞌchic najt rok chiru li jun chic.

Daniel 8:3 ပူးပေါင်းရင်းမြစ်များ

Daniel 8:20

Li karneer wiib' xxukub' li xawil, a'an reetalileb' li awab'ej re Media ut Persia.

Daniel 10:5

kintaqsi li wilob'aal ut kiwil jun li winq tiqto rik'in liin ut b'ak'b'o li xsa' chi k'aamalsa' oor.

Zacarías 6:1

Jun sut chik kintaqsi li wilob'aal ut kiwil jun chik moy u: sa' xyanqeb' wiib' chi tzuul ke'elk chaq kaahib' b'eleb'aal ch'iich' re yalok, ut eb' li tzuul a'an junes q'anch'iich'eb'.

Zacarías 5:9

Kintaqsi wi' chik li wilob'aal, ut sa' moy u kiwil wiib'eb' li ixq wankeb' xxik' ut yookeb' chi rupupik chiru choxa. Li xxik'eb' a'an jo' xxik'eb' li nimla jotz. Ut yookeb' chi xk'amb'al li chakach sa' iq'.

Zacarías 5:5

Kichalk wi' chik li ánjel li yo chi aatinak wik'in ut kixye we: “Taqsi laawilob'aal ut k'e reetal li yo chi chalk”.

Zacarías 5:1

Kintaqsi wi' chik li wilob'aal ut sa' moy u kiwil jun li b'otb'ookil hu yo chi xik sa' iq'.

Zacarías 2:1

Kintaqsi wi' chik li wilob'aal ut kiwil sa' moy u jun li winq wank jun k'aam re b'isok sa' ruq'.

Zacarías 1:18

Naq kintaqsi wi' chik li wilob'aal, kiwil sa' moy u kaahib' chi xukub'.

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».

Daniel 6:28

Ut laj Daniel q'axal kiwank xwankil chiru chixjunil li xyu'am sa' li x'awab'ejihom laj Darío ut laj Siro aj Persia.

Daniel 5:31

Laj Darío aj Media a'an chik ki'ok chi awab'ejink naq ak wank wiib' xkaak'aal chihab' re.

Daniel 2:39

“Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Isaías 13:17

Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

Esdras 4:5

Ke'xtumina ruheb' laj taqlanel re naq taapo'q ru li xk'anjeleb' laj Judá, ut relik chi yaal ke'xrameb' chalen sa'eb' li kutan naq kiwank laj Siro cho'q awab'ej re Persia toj sa' li x'awab'ejihom laj Darío, awab'ej re Persia.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

1 Crónicas 21:16

Naq laj David ki'ilok taqe'q, kiril li x'ánjel li Qaawa' wank sa' xyanq li choxa rik'in li ruuchich'och', chi wank xjutz' ch'iich' sa' ruq', yo chi xjayalinkil Jerusalén. Toja' naq laj David ut eb' li cheekel winq ke'xhupub' rib' chiru ch'och', chi wank q'es ruhil t'ikr chirixeb'.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.

Números 24:2

Ut sa' xtaqsinkil li rilob'aal, laj Balaham kirileb' li xmuheb'aaleb' laj Israel ch'utch'uukeb' chi teep. Toja' naq li xmusiq' li Qaawa' ki'ok rik'in

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 13:11

Chirix chik a'an kiwil jun chik josq' aj xul yo chaq chi taqe'q sa' ch'och', wank wiib' xxukub' kama' xxukub' li karneer, ab'an kaw naxjap re kama' junaq mama' xul.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.