Daniel 8:22 - Q'eqchi Bible

²² Eb' li kaahib' chi xukub' li xe'elk sa' xna'aj li xtoqe'k, a'aneb' reetalil li kaahib' chi awab'ej li te'wakliiq aran Grecia, us ta ink'a' jwal kaweb' rib'.

Li Santil hu

²² Li ca̱hib chi xucub li queꞌel chokꞌ re̱kaj li nimla xucub li quitokeꞌ, aꞌaneb li retalil li ca̱hib chi rey li teꞌcua̱nk saꞌ xcuanquilal saꞌ li naꞌajej aꞌan, abanan ma̱ jun ta̱cua̱nk xcuanquil joꞌ li xbe̱n li quicuan.

Daniel 8:22 ပူးပေါင်းရင်းမြစ်များ

Daniel 11:4

Ab'an naq ak xk'ojlaak li xwankil, tixjach rib' li x'awab'ejihom ut kaahib' jachal taa'isiiq. Maajun li ralal xk'ajol te'eechaninq li awab'ejilal chi moko te'wanq xwankil jo' xwankil a'an, xb'aan naq taajuk'e'q li x'awab'ejihom ut jalaneb' chik te'eechaninq re.

Daniel 8:8

Li teelom chib'aat ki'ok chi nimank li xtib'el ut q'axal chik kikawuuk li xmetz'ew; ab'anan naq ak kaw chik rib' chi us, kitoqe'k li xnimla xukub' ut sa' xna'aj a'an ke'elk chaq kaahib' chi xukub', li yookeb' chi ilok sa' xkaaxukuutil li ruuchich'och'.

Daniel 8:3

Naq kintaqsi li wilob'aal, kiwil jun karneer xaqxo chire li nima', wank wiib' xninqi xukub'. Ab'an jun jwal nim chiru li jun chik; ut li nim, a'an li kiyo'laak moqon.

Daniel 7:6

“Naq yookin chi ilok, kiwil jun chik li xul, kama' li hix, li wank kaahib' xxik' chirix ut wank kaahib' xjolom. Ut kik'ehe'k xwankilal.

Daniel 8:21

Li teelom chib'aat, a'an reetalil li awab'ej re Grecia, ut li nimla xukub' li xawil chiru peekem, a'an reetalil li xb'een awab'ej.

Daniel 8:23

Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

Zacarías 6:1

Jun sut chik kintaqsi li wilob'aal ut kiwil jun chik moy u: sa' xyanqeb' wiib' chi tzuul ke'elk chaq kaahib' b'eleb'aal ch'iich' re yalok, ut eb' li tzuul a'an junes q'anch'iich'eb'.

Daniel 7:7

“Moqon sa' moy u kiwil li xka li xul: a'an q'axal xiwajel, xiw xiw rilb'al ut jwal kaw rib'. Ch'iich'eb' li ruuch re chi k'ajo' xninqal; ut chiru a'an kixwa', kixt'upi ut kixputz'i li xtzekemq, toja' naq kixyeq'i sa' roq li ki'ela'ank. Jalan wi' na'ilok chiruheb' li junch'ol chik ut wank lajeeb' xxukub'.