Daniel 8:17 - Q'eqchi Bible

¹⁷ Toja' naq kijilok chink'atq ut laa'in kint'ane'k chi hupu chiru ch'och' xb'aan inxiw. A'an kixye we: «At winq, tento taataw ru naq li moy u xawil, a'an reetalil li k'aru taak'ulmanq sa' roso'jikeb' li kutan».

Li Santil hu

¹⁷ Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.

Daniel 8:17 ပူးပေါင်းရင်းမြစ်များ

Daniel 8:19

Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Daniel 12:13

Ut laa'at ayu chi hilank toj sa' xkutankil laakamik. Tatwakliiq chaq sa' roso'jikeb' li kutan re xk'ulb'al laaq'ajkamunkil»”.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

Ezequiel 1:28

chanchan wi' li kaqlaaq' naq naxk'ut rib' sa' li choql sa' li hab'alq'e. Jo'ka'in naq kixk'ut rib' chiwu li xloq'al li Qaawa'. Ut naq kiwil a'an, kinwiq'laak, kinhupub' wib' chiru ch'och' ut kiwab'i jun xyaab' kuxej yo chi waatinankil.

San Mateo 17:8

Ut naq ke'xtaqsi li rilob'aaleb', maa'ani chik ke'ril ru, ka'aj chik li Jesus xjunes.

Daniel 10:16

Ab'anan k'utaamil chiwu jun li mu chanchan winq, ut kixtoch' li xtz'uumal we. Toja' naq kin'ok chi raatinankil li xaqxo chiwu: «Wa'chin, q'axal namayok linch'ool chi rilb'al li moy u a'in ut xinkanaak chi sachso inna'leb'.

Daniel 10:11

Ut li winq kixye we: «At Daniel, laa'at jun li winq jwal raarookat xb'aan li Yos, k'e aach'ool chi rab'inkil li aatin tinye aawe ut xaqlin, xb'aan naq taqlanb'ilin chaq anaqwan aawik'in». “Naq kiraqe'k chi xyeeb'al eb' li aatin a'in, laa'in kinxaqliik chi ninsiksotk.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Daniel 9:23

Chalen naq xatikib' tijok, li Qaawa' xrab'i laatz'aamahom, ut laa'in xinchalk chi xyeeb'al aawe li xsumehom, xb'aan naq q'axal raarookat xb'aan li Yos. K'e b'i' aach'ool chi xtawb'al ru li tinye ut chatawaq xyaalal li moy u:

Daniel 8:15

“Naq toj yookin chi rilb'al li moy u ut yookin xk'oxlankil rix, k'utaamil chiwu jun kama' li winq,

Daniel 2:46

Toja' naq laj Nabukodonosor, li awab'ej, kiwiq'laak chiru laj Daniel, kixhupub' rib' chiru ch'och' ut kixye naq chik'eemanq xsimaatan jo'wi' xsununkil b'an.

Ezequiel 6:2

“At kaamel winq, ilon wankeb' wi' li xtzuulul Israel ut q'useb' sa' ink'ab'a'.

Génesis 17:3

Toja' naq laj Abrán kixhupub' rib' ut ki'aatinaak xb'aan li Qaawa' chi jo'ka'in:

Ezequiel 44:4

Chirix chik a'an kinxk'am sa' li okeb'aal li wank sa' xjayal releb'l iq', chiru li loq'laj ochoch. Aran kink'e reetal naq li xloq'al li Qaawa' ak xnujob'resi li ochoch, ut laa'in kinwiq'laak ut kinhupub' wib' chiru ch'och'.

Daniel 7:16

Kinjilok chi xk'atq jun reheb' li wankeb' aran, ut kintz'aama chiru naq tixch'olob' chiwu li xyaalalil li wilom. A'an kinxsume ut kixtikib' xch'olob'ankil k'aru xyaalal a'an:

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Ezequiel 2:1

Kixye we chi jo'ka'in: “Esekiel, at kaamel winq, xaqlin xb'aan naq ok we chawaatinankil”.

Daniel 11:27

Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.