Daniel 8:13 - Q'eqchi Bible

¹³ “Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Li Santil hu

¹³ Ut quicuabi jun li santil ángel yo̱ chi a̱tinac. Ut li jun chic quixpatzꞌ re: —¿Joꞌ najtil ta̱cꞌulma̱nk aꞌin li quicꞌutbesi̱c saꞌ li visión? ¿Jarub cutan chic teꞌxba̱nu li ma̱usilal chokꞌ re̱kaj lix mayejeb saꞌ li templo? ¿Joꞌ najtil chic teꞌxyekꞌi lix templo li Ka̱cuaꞌ joꞌqueb ajcuiꞌ li ralal xcꞌajol?—

Daniel 8:13 ပူးပေါင်းရင်းမြစ်များ

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Daniel 4:13

Naq toj yookin chi matk'ek sa' linwarib', xkub'e chaq sa' choxa jun aj santil k'aak'alenel

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

1 Ts 3:13

re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.

San Lucas 21:20

“Naq teeril li tenamit Jerusalén sutsuuq xb'aaneb' laj puub', chenawaq naq nach' chik wank li xnimal xsachik.

San Marcos 13:14

“Naq teeril li xnimal tz'i'b'eetalil yooq xb'aanunkil b'arwi' ink'a' raj xk'ulub' (ani na'ilok ru hu chixtawaq xyaalal), toja' naq eb' li wanqeb' Judea eleliqeb' ut che'xikaq toj chiru tzuul.

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

Isaías 63:18

Yal jun k'amok ajwi' eb' li xik' neke'ilok qe xe'reechani laasantil tenamit ut xe'okje'k sa' laaloq'laj ochoch.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Salmos 79:5

Toj jo' najtil chik yooq laajosq'il, at Qaawa'? Ma junelik taak'atoq laajosq'il kama' li xam?

San Judas 1:14

Chirixeb' ajwi' a'in ak ki'aatinak chaq cho'q propeet laj Enok, li xwuq winq chirix laj Adán: “K'ehomaq reetal -chan-, kol'elq li Qaawa' rochb'eeneb' li xk'iila o'q'ob' chi santil ánjel.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Zacarías 14:5

Ut laa'ex tex'eleliq sa' li nimla taq'a, xb'aan naq li xtaq'ahil li tzuul taawulaq toj Yasol; tex'eleliq jo' keb'aanu naq kixk'e li hiik sa'eb' li kutan naq kiwank chi awab'ejil laj Osías arin Judá. Ut taachalq li Qaawa' linYos, rochb'eenaqeb' chaq chixjunileb' li xsant.

Zacarías 1:19

Ut kinpatz' re li ánjel li yo chi aatinak wik'in: “K'aru xyaalal li yookin chi rilb'al?”. Ut a'an kixye we: “A'an reetalileb' li tenamit ninqeb' xwankil li ke'cha'cha'ink reheb' laj Judá, eb' laj Israel ut eb' laj Jerusalén”.

Daniel 12:11

Chalen sa' li kutan naq taasachmanq xwankil li mayejak rajlal kutan ut taak'ojob'aaq li xnimal tz'i'b'eetal sa' rochoch li Yos, taanume'q lajeeb' ro'k'aal xka o'q'ob' (1,290) kutan.

Daniel 7:23

“Toja' naq li cheekel winq kixye we: «Li xka nimla xul a'an reetalil jun li xka awab'ejihom li taawakliiq chaq sa' ruuchich'och', jalanaq wi' chiru chixjunileb' li junch'ol. A'an taasachoq re chixjunil li ruuchich'och', taanumtaaq sa' xb'een ut pojtz' tixkanab' wi'.

Daniel 7:16

Kinjilok chi xk'atq jun reheb' li wankeb' aran, ut kintz'aama chiru naq tixch'olob' chiwu li xyaalalil li wilom. A'an kinxsume ut kixtikib' xch'olob'ankil k'aru xyaalal a'an:

Daniel 4:23

“Xawil ajwi' naq jun aj santil k'aak'alenel xkub'e chaq sa' choxa ut xye: «T'anomaq li che', sachomaq chixjunil, ab'an kanab'omaq li xtoonal ut li xxe', chi b'ak'b'ooq rik'in kareen ch'iich' ut q'anch'iich', sa' xyanq li pim; chit'aqresiiq xb'aan li xchu'ke, ut chiru wuqub' chihab' chiwa'aq pim sa' xyanqeb' li xul».

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 74:9

Ink'a' chik naqil li qeetalil ut maak'a'eb' chik li propeet, chi moko wank junaq ta qe li naxnaw toj jo'q'e qu.

Jueces 13:18

Kichaq'ok li x'ánjel li Qaawa': “K'a' naq nakapatz' we link'ab'a'? A'an q'axal loq'”, chan.

Deuteronomio 33:2

ut kixye chi jo'ka'in: “Li Qaawa' xchalk chaq toj Sinaí; toj Seír kik'utunk chaq li xsaqenk, ak xkutano'k chaq chalen chiru li tzuul Parán. Rochb'een chaq k'iila o'q'ob' chi aj k'anjel chiru; sa' xnim uq' wan chaq li xxamlel li Chaq'rab'.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Salmos 74:10

At qaYos, toj jo' najtil chik tooxhob' laj xik'il uuchinel? Ma chi junajwa tixmajewa laak'ab'a' li xik' na'ilok qe?

Isaías 28:18

Taasachmanq xwankil li xk'eeb'al eerib' sa' aatin rik'in li kamk, ut li sumwank rik'in li xna'ajeb' li kamenaq taakanaaq chi maak'a' rajb'al. Naq taachalq li nimla rahilal, texputz'i.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

Daniel 12:8

“Laa'in kiwab'i li kixye, ab'an ink'a' kintaw xyaalal. Jo'kan naq kinpatz' wi' chik: «Wa'chin, chanru naq toxraqe'q chixjunil a'in?», chankin.

Daniel 4:10

A'an a'in li xwil naq yokyookin chiru linch'aat: “Xwil jun toon chi che' jwal najt xteram sa' xyi li ruuchich'och'.