Daniel 8:10 - Q'eqchi Bible

¹⁰ Q'axal kik'iik toj reetal koxtaweb' li chahim chiru choxa; ut jun yiijach reheb' a'an kixt'aneb' chiru ch'och' ut kixyeq'iheb' sa' roq.

Li Santil hu

¹⁰ Ut kꞌaxal cuiꞌchic quiniman xcuanquil toj retal quipletic riqꞌuineb li ralal xcꞌajol li Dios ut quixsacheb laj cꞌamol be chiruheb.

Daniel 8:10 ပူးပေါင်းရင်းမြစ်များ

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Isaías 14:13

Laa'at li xaye sa' laach'ool: «Taanimanq inwankil toj sa' choxa; toj aran tink'ojob' chaq link'ojarib'aal, toj sa' xb'eeneb' li xchahim li Yos. Tink'ojlaaq sa' li na'ajej neke'xch'utub' wi' rib'eb' li yos, sa' xjayal chaq li releb'l iq'.

Daniel 8:7

Kiwil chanru naq ki'ok chi xxeq'b'al xb'aan xjosq'il: kixtoqi li xxukub' li karneer, chi ink'a' kiruhank chi xkolb'al rib' chiru, kixkut chiru ch'och' ut kixyeq'i sa' roq, chi maajun kikolok re li karneer sa' ruq' li teelom chib'aat.

Daniel 7:7

“Moqon sa' moy u kiwil li xka li xul: a'an q'axal xiwajel, xiw xiw rilb'al ut jwal kaw rib'. Ch'iich'eb' li ruuch re chi k'ajo' xninqal; ut chiru a'an kixwa', kixt'upi ut kixputz'i li xtzekemq, toja' naq kixyeq'i sa' roq li ki'ela'ank. Jalan wi' na'ilok chiruheb' li junch'ol chik ut wank lajeeb' xxukub'.

Daniel 11:28

Li awab'ej re Siria taasutq'iiq wi' chik sa' li xtenamit chi k'ajo'aq xb'ihomal, yooq xsik'b'al chanru tixsach li santil sumwank xk'ojob'ahom li Qaawa'. Toj tixb'aanu a'an, toja' naq taasutq'iiq sa' li xtenamit.

Daniel 11:30

Naab'aleb' laj Kitim te'chalq sa' jukub' chi yalok rik'in, ut k'ajo'aq xxiw naq taa'eleliq. Li awab'ej re Siria q'axal wi' chik kaw tixyal xsachb'al xwankil li xpaab'aal li xtenamit li Yos, rik'in xpaab'ankil raatineb' li neke'tz'eqtaanank re li Sumwank.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.