Daniel 7:9 - Q'eqchi Bible

⁹ “Naq toj yookin chi ilok, ke'kawresiik eb' li k'ojarib'aal, ut jun cheekel winq kik'ojlaak aran. Q'axal saq li raq', jo' tawi' li ratz'amke; ut jwal saqsaq li rismal xjolom jo' li saqi tuuxnoq'. Li xk'ojarib'aal ut eb' li roq, a'an jo' tz'aqal li xam.

Li Santil hu

⁹ Nak yo̱quin chirilbal aꞌin, queꞌxakaba̱c li cꞌojariba̱l ut li Ti̱xil Cui̱nk li cuan chi junelic quicꞌojla. Li rakꞌ aꞌan sak sak chanchan li nieve. Ut li rismal chanchan li saki nokꞌ. Lix cꞌojariba̱l cuan saꞌ xbe̱n li ruedas ut yo̱ xxamlel.

Daniel 7:9 ပူးပေါင်းရင်းမြစ်များ

Apocalipsis 1:14

Li xjolom ut eb' li rismal jwal saqeb' kama' li saqinoq', jo' li ratz'am ke; li xsa' ru kama' li raq'xam,

San Marcos 9:3

Li raq' ki'ok chi lemtz'unk ut saqpotz'in kikanaak: maajun aj puch'unel arin sa' ruuchich'och' naru chi saqob'resink chi jo'kan.

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Apocalipsis 19:18

re naq teetiw xtib'eleb' li awab'ej, xtib'eleb' li xjolomileb' laj puub' ut eb' li kaweb' rib', li xtib'eleb' li kawaay ut li k'ojk'ookeb' sa' xb'eeneb', xtib'eleb' chixjunileb' li winq jo' li wankeb' chi ach'ab'anb'il jo'eb' laj loq'b'il k'anjel, jo' kok' jo' ninq”.

Filipenses 3:9

ut tintawe'q rik'in, maawa' rik'in xtiikilal linch'ool li nachalk rik'in li Chaq'rab', rik'in b'an li nawank sa' xk'ab'a' xpaab'ankil li Kriist, a' li nachalk rik'in li Yos xb'aan li paab'aal.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

Hechos 2:30

Ab'an a'an propeet ut naxnaw naq yeeb'il chaq re xb'aan li Yos rik'in jurament chi jo'ka'in: «Taak'ojlaaq sa' laak'ojarib'aal jun reheb' laawalal aak'ajol».

Habacuc 1:12

At Qaawa', ma ink'a' tab'i' ak wankat chalen chaq q'e kutan, at inSantil Yos li ink'a' kaamel? At Qaawa' ut aj k'aak'alehomat we, laa'at xatk'ehok xkawilaleb' laj Kaldeha chi raqok aatin sa' qab'een re naq tqatoj rix li qamaak.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 90:2

Naq toj maak'a'eb' chaq li tzuul ut toj maji' nak'ub'laak sa' xna'aj li choxach'och', ak laa'at ajwi' chaq li qaYos junq'e junq'e kutan!

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

Salmos 45:8

Nakara li us ut nakatz'eqtaana li maa'usilal. Jo'kan naq li Qaawa' laaYos xatxxaqab' ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' laawech awab'ejil.

1 Juan 1:5

Ut a'an a'in li esil xqab'i rik'in li Jesus ut naqaye eere: li Yos a'an saqenk ut maak'a' li aak'ab' rik'in.

San Mateo 28:3

Nalemtz'unk li rilob'aal chanchan raq'kaaq, ut saq li raq' kama' li ratz'am ke.

Apocalipsis 4:2

Sa' junpaat kinreechani li Musiq'ej, ut xwil jun li nimajwal k'ojarib'aal wan chaq sa' choxa, ut jun li k'ojk'o sa' xb'een li k'ojarib'aal.

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

1 Reyes 22:19

Toja' naq kixye laj Mikeas: “K'e reetal, ab'i li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

2 Crónicas 18:18

Toja' naq laj Mikeas kixye: “K'ehomaq reetal, ab'ihomaq li naxye li Qaawa'. Xwil li Qaawa' k'ojk'o sa' li xk'ojarib'aal, rochb'een chixjunileb' laj k'anjel chiru sa' li choxa, xaqxookeb' sa' xnim ut sa' xtz'e uq'.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Salmos 93:2

Chalen chaq sa' xtiklajik ak k'ojk'o laak'ojarib'aal sa' xna'aj; chalen chaq junxil ak wankat laa'at.

Isaías 6:1

Sa' li chihab' naq kikamk laj Osías, li awab'ej, kiwil li Qaawa' k'ojk'o sa' jun k'ojarib'aal jwal ch'ina'us ut najt xteram. Nujenaq li rochoch li Yos rik'in xb'as li xb'aatal.

Jeremías 49:38

Aran Elam tink'ojob' link'ojarib'aal ut tinsach ruheb' li awab'ej jo'wi' eb' li xninqal ru winq -chan li Qaawa'-.