Daniel 7:4 - Q'eqchi Bible

⁴ Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.

Li Santil hu

⁴ Li xbe̱n chanchan jun li cakcoj ut cuan xxicꞌ chanchan xxicꞌ li cꞌuch. Ut yo̱quin chirilbal nak qui-isi̱c lix xicꞌ. Ut li xul quixakaba̱c saꞌ li chꞌochꞌ. Chanchan jun li cui̱nk xakxo. Ut quiqꞌueheꞌ xnaꞌleb joꞌ xnaꞌleb cui̱nk.

Daniel 7:4 ပူးပေါင်းရင်းမြစ်များ

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Ezequiel 17:3

Ye reheb': «Jo'ka'in xye li Qaawa': Jun nimla t'iw kiwulak Líbano, jwal ninq li xxik' ut najt xteram; pimpim li rismal ut k'iila paay xb'onol. Koxch'ot xsa' ru'uj jun li yaw,

San Mateo 24:28

B'ar wanq li kamenaq, aran te'xch'utub' rib' eb' li so'sol.

Daniel 4:36

“Sa' ajwi' li honal a'an xk'ulunk linch'ool ut xink'ul wi' chik linloq'al, linwankil, jo' ajwi' lin'awab'ejihom. Eb' laj k'ehol inna'leb' ut eb' li ninqeb' xwankil xoline'ril, xine'xxaqab' wi' chik cho'q awab'ej ut q'axal chik xe'xk'e inwankil.

Ezequiel 28:9

Ma toj yooqat chi xk'oxlankil naq laa'at yos naq wanqat chiruheb' laj rahob'tesinel? Ab'anan naq wanqat sa' ruq'eb' li te'kamsinq aawe, taak'e reetal naq yal winqat ut moko yosat ta.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Lamentaciones 4:19

Eb' li xe'raj qachapb'al q'axal kaw xe'aanilak chiruheb' li t'iw. Xoohe'xsik'i sa' k'iche' ut xe'xk'e qara'lenkil sa' li chaqich'och'.

Jeremías 48:40

Jo'ka'in kixye li Qaawa': “Eb' li xik' neke'ilok re Mohab xe'xkut rib' sa' xb'een jo' junaq t'iw li xhel li xxik' sa' xb'een li xtzak.

Jeremías 25:38

Jo' junaq kaqkoj li x'elk sa' li xna'aj, jo'kan ajwi' naq li Qaawa' x'elk chi xsachb'al ru li xtenamit, ut li na'ajej xkanaak chi po'lemil, xb'aan naq xlochk xxamlel xjosq'il li Qaawa', ut jun nimla raaxiik' xtaqlaak chaq sa' xb'eeneb'.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Salmos 9:20

Waklin, at Qaawa', ut minumtaak li winq sa' aab'een, chiraqmanq aatin sa' xb'eeneb' li tenamit chawu laa'at.

Li xHu LAJ JOB 25:6

Ma toja' ta chik laa'o li yal motzo'o ut q'axal toq'ob'aal qu?

2 Samuel 1:23

Chiru chixjunil li xyu'ameb' xe'xra rib' laj Saúl ut laj Jonatán. Chi moko li kamk xjachok reheb'. Q'axal seeb'eb' chiruheb' li t'iw ut q'axal kaweb' rib' chiruheb' li kaqkoj!

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Daniel 2:38

A'an xk'ehok rub'el laawoq eb' li poyanam, eb' li ketomq jo'wi' eb' li xul neke'xik'ank chiru choxa, ut xxaqab' aawankil sa' xb'een chixjunil li ruuchich'och'. Laa'at li jolomej oor, at awab'ej.

Daniel 7:12

Eb' li xul junch'ol chik ke'maq'e'k li xwankil, ab'an ke'kanab'aak chi yo'yo jun k'amokaq chik.