Daniel 7:18 - Q'eqchi Bible

¹⁸ Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Li Santil hu

¹⁸ Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Daniel 7:18 ပူးပေါင်းရင်းမြစ်များ

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Apocalipsis 5:10

ut kak'eheb' chi awab'ejink cho'q aj tij cho'q re li qaYos, ut te'awab'ejinq sa' xb'een li ruuchich'och'”.

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Salmos 45:16

K'ajo' li sahil ch'oolejil naq neke'oksiik, ut neke'ok sa' rochoch li awab'ej chi saheb' sa' xch'ool!

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

1 Corintios 6:2

Ma ink'a' nekenaw naq eb' laj paab'anel te'raqoq aatin sa' xb'een li ruuchich'och'? Ut wi laa'ex texraqoq aatin sa' xb'een li ruuchich'och', ma ink'a' tab'i' eek'ulub' raqok aatin sa' xb'een li kok' na'leb'?

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Salmos 49:14

Jo'ka'in te'xk'ul eb' li neke'xk'e xloq'al xjuneseb' rib'; jo'ka'in te'oso'q li neke'xnimob'resi rib'eb'.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 7:17

«Eb' li kaahib' chi xninqal xul, a'aneb' reetalil li kaahib' chi awab'ej li te'wakliiq sa' ruuchich'och'.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.