Daniel 6:24 - Q'eqchi Bible

²⁴ Moqon li awab'ej kixtaqla xk'amb'aleb' li winq li ke'jitok re laj Daniel, ut ke'kute'k sa' xyanqeb' li kaqkoj rochb'eeneb' li rixaqil jo'wi' eb' li ralal xk'ajol. Ut toj maji' ajwi' neke'wulak chi ch'och'el naq ke't'upiik ut ke'nuq'e'k xb'aaneb' li kaqkoj!

Li Santil hu

²⁴ Ut li rey quixtakla lix takl re nak teꞌcꞌamekꞌ riqꞌuin chixjunileb li cui̱nk li queꞌjitoc re laj Daniel. Ut queꞌcuteꞌ saꞌ xya̱nkeb li cakcoj rech xiquic li rixakileb joꞌqueb ajcuiꞌ lix cocꞌaleb. Ut toj ma̱jiꞌ ajcuiꞌ nequeꞌnak saꞌ lix naꞌajeb li cakcoj nak queꞌchapeꞌ xbaneb ut queꞌtoki̱c lix bakeleb.

Daniel 6:24 ပူးပေါင်းရင်းမြစ်များ

Isaías 38:13

japjo we chi yaab'ak chalen toj nasaqewk. Kama'at jun li kaqkoj yookat chi xmuch'inkil chixjunil linb'aqel. Chi q'eq ut chi kutan yookat chinsachb'al.

Ester 7:10

Ut ke'xt'uyub' laj Amán sa' li t'uyleb'aal kixyiib' re raj xkamsinkil laj Mardokeo. Chi jo'kan kich'anaak xjosq'il li awab'ej.

Salmos 54:5

Xb'aan naq wankeb' q'etq'et te'raj numtaak sa' inb'een; jun ch'uuteb' ink'a' useb' xch'ool yookeb' xk'uub'ankil inkamsinkil, chi ink'a' nakate'xk'e sa' xnaq' ruheb'.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

2 Reyes 14:6

Ab'anan ink'a' kixkamsiheb' li ralal xk'ajoleb' a'an, jo' chanru tz'iib'anb'il sa' xHuhil li xChaq'rab' laj Moisés, b'arwi' li Qaawa' naxye chi jo'ka'in: “Eb' li na'b'ej yuwa'b'ej ink'a' te'kamsiiq xb'aan li maak ke'xb'aanu li alal k'ajolb'ej; chi moko eb' li alal k'ajolb'ej te'kamsiiq xb'aan xmaakeb' li xna' xyuwa'eb'. Li junjunq taakamsiiq xb'aan li maak xb'aanu”.

Deuteronomio 24:16

“Ink'a' te'kamsimanq li na'b'ej yuwa'b'ej sa' xk'ab'a' xmaakeb' li ralal xk'ajol, chi moko li alalb'ej sa' xk'ab'a' xmaakeb' li na'b'ej yuwa'b'ej. Ak xmaak xmaak tixtoj rix li junjunq naq taakamsimanq.

Proverbios 11:8

Li tiik xch'ool nakole'k chiru li rahilal, ut a' chik li ink'a' us xna'leb' nak'uluk re li ch'a'ajkilal.

Ester 9:10

a'aneb' li lajeeb' chi ralal laj Amán, ralal laj Hamdatá, li xik' na'ilok reheb' laj Judiiy. Ke'xkamsiheb', ab'an ink'a' ke'xxok li k'aru wank reheb'.

Daniel 3:22

Jwal aajel ru xpaab'ankil raatin li awab'ej ut k'ajo' xtiqwal li xam; jo'kan naq li raq'xam kixkamsiheb' li winq ke'kutuk reheb' laj Sidrak, laj Misak ut laj Abdénago sa' li xam.

Proverbios 19:9

Li testiiw aj b'alaq' tixk'ul xtojb'al li xmaak; ut li natik'ti'ik, taasachq li xyu'am.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.