Daniel 6:20 - Q'eqchi Bible

²⁰ Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Li Santil hu

²⁰ Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Daniel 6:20 ပူးပေါင်းရင်းမြစ်များ

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

1 Crónicas 16:11

Sik'omaq li Qaawa' ut li xwankilal, sik'omaq li xnaq' ru chi junelik.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.

Daniel 3:17

Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

2 Corintios 1:10

A'an xkolok chaq qe chiru li nimla rahilal a'an ut toj yooq chi qakolb'al. A'an kaw wi' li qach'ool naq toj yooq chi qakolb'al,

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

San Lucas 1:37

xb'aan naq maak'a' ch'a'aj chiru li Yos.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Salmos 73:23

Ab'anan xinwank aawik'in chi junelik: xinaachap chiru linnim uq',

Números 11:23

Kichaq'ok li Qaawa' ut kixye re laj Moisés: “Ma nakak'oxla laa'at naq maak'a' inwankil chi xb'aanunkil a'in? Anaqwan taawil ma taa'uxmanq li naxye li waatin malaj ut ink'a'”, chan li Yos.

Génesis 18:14

Ma wank tab'i' k'aru ch'a'aj chiru li Qaawa'? Sa'eb' li kutan xinye, sa' jun chihab' chik, tinsutq'iiq chaq, ut lix Sara taawanq jun xk'uula'al”.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Colosenses 4:2

Chek'e eech'ool chi tijok chi junelik, ut chexyo'leq rik'in yoxink.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Hechos 6:4

A'ut laa'o tqak'e qach'ool chi tijok ut chi k'anjelak chirix Raatin li Yos.

Salmos 146:2

Tinnima xloq'al li Qaawa' jo' najtil tinwanq sa' ruuchich'och'; tinb'ichanq cho'q re linYos jo' najtil chik tinyo'yooq.

Salmos 119:112

Nink'e inch'ool chi xpaab'ankil laawajom; a'an linq'ajkamunkil chi junelik.

Daniel 6:19

Naq kihik'e'k li kutan, li awab'ej kiwakliik ut koho chi junpaat wan wi' li xjuleb' li kaqkoj.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.