Daniel 5:7 - Q'eqchi Bible

⁷ Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Li Santil hu

⁷ Li rey quixjap re chi cau ut quixye nak teꞌcꞌamekꞌ chak riqꞌuin chixjunileb laj qꞌuehol naꞌleb ut eb laj Caldea ut eb laj kꞌe. Ut li rey quixye reheb: —Li ani ta̱ru̱k xtaubal ru li a̱tin aꞌin ut tixye cue cꞌaꞌru lix ya̱lal, la̱in tinqꞌue li caki akꞌ chirix retalil lix cuanquil. Tinqꞌue lix kꞌol oro chi xcux ut aꞌanak li rox chi takla̱nc saꞌ xbe̱n li tenamit, chan.

Daniel 5:7 ပူးပေါင်းရင်းမြစ်များ

Daniel 5:29

Toja' naq laj Baltasar kixye naq chitiqib'aaq laj Daniel rik'in kaqi aq'ej, ut kixk'e chi xkux jun q'ol oor. Kixtaqla ajwi' resil naq laj Daniel a'an chik li roxil chi taqlank.

Daniel 5:16

Wab'ihom resil naq laa'at nakatruuk chi xtawb'al xyaalal ut xtuqub'ankil ruheb' li ch'a'ajkilal. Us b'i', wi nakatruhank chi xyaab'asinkil ut xch'olob'ankil xyaalal li tz'iib'anb'il arin, tattiqib'aaq rik'in kaqi aq'ej, taak'eemanq jun q'ol oor chakux ut tatkanaaq sa' roxil chi taqlank sa' lin'awab'ejihom”.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.

Daniel 2:6

Ab'anan wi teeye we li k'aru xinmatk'e ut k'aru naraj naxye, texinq'ajkamu chi us, tink'e eesimaatan ut eeloq'al. Jo'kan utan, yehomaq we linmatk' ut li xyaalal”.

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,

Ezequiel 16:11

Katwuutz'u'uji rik'in ch'ina'usil eechej, kink'e xsahob' ru eb' laawuq' ut junaq q'ol chakux.

Isaías 47:13

Xattawaak xb'aan xk'ihaleb' laj k'ehol aana'leb'. Chalqeb' b'i' chakolb'al anaqwan eb' li neke'q'ehink chiru li choxa, eb' li neke'tz'ilok rix eb' li chahim, jo'wi' eb' li neke'xye aawe rajlal po li k'aru taak'ulmanq moqon.

Daniel 4:14

ut xye chi kaw xyaab' xkux: «T'anomaq li che', yok'omaq eb' li ruq', jilomaq li xxaq ut kutomaq chi najt eb' li ru. Elqeb' li xul sa' li xmu ut eb' li xik'anel xul sa'eb' li ruq'.

Cantares 1:10

K'ajo' xch'ina'usal eb' laako sa' xyanqeb' laaka'xik, jwal ch'ina'us laakux sa' xyanqeb' li q'ol!

Proverbios 1:9

xb'aan naq li raatin laana' laayuwa' jo'kaq junaq koroon sa' laajolom, jo'kaq junaq chaab'il q'ol chakux laa'at.

Ester 3:1

Chirix naq ak xk'ulmank a'in, laj Asuero li awab'ej kixtaqsi xwankil laj Amán, ralal laj Hamdatá, aj Agag, ut kixxaqab' cho'q xjolomil chixjunileb' li ninqeb' xwankil.

1 Samuel 17:25

yookeb' chi xyeeb'al: “Ma xeril li winq a'an? Qahob'b'al laa'o naq yo chi k'ulunk. Li ani taakamsinq re, li awab'ej tixk'e naab'al li xb'ihomal. Tixk'e ajwi' li xrab'in, ut ink'a' chik te'patz'e'q xtoj li rech'alal sa' xyanqeb' laj Israel”.

Números 24:11

Tikaq ayu sa' laatenamit! Xinye aawe naq tatinq'ajkamu raj chi chaab'il, ab'an li Qaawa' xmaq' chawu a'an”, chan.

Números 22:17

xb'aan naq tatinq'ajkamu chi chaab'il ut tinb'aanu chixjunil li taaye we. B'aanu usilal, kim ut majewa li tenamit a'in»”.

Números 22:7

Koheb' b'i' li xcheekelaleb' laj Mohab ut laj Madián rik'in tumin re xtojb'al li majewank. Ke'wulak rik'in laj Balaham ut ke'xye re chixjunil li xyehom laj Balak.

Génesis 41:8

Naq kisaqewk, k'ajo' xk'a'uxl laj Parahón. Kixtaqla xb'oqb'al chixjunileb' laj q'e ut laj k'ehol na'leb' li wankeb' Ejiipt: kixseeraq'i li xmatk' reheb', ab'an maajun kiruhank chi xtawb'al xyaalal.

Éxodo 7:11

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Jeremías 50:35

“Kamsihomaqeb' chi ch'iich' eb' laj Kaldeha, sachomaq ruheb' laj Babilonia, eb' li neke'jolomink re li tenamit ut eb' laj k'ehol na'leb'.

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Daniel 5:15

Xe'k'ame'k chaq wik'in eb' laj k'ehol na'leb' ut eb' laj q'e re raj naq te'ril li tz'iib'anb'il a'in ut te'xch'olob' chiwu li k'aru naxye, ab'an ink'a' xe'ruhank chi xyeeb'al li xyaalal.