Daniel 5:23 - Q'eqchi Bible

²³ xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Li Santil hu

²³ Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Daniel 5:23 ပူးပေါင်းရင်းမြစ်များ

Li xHu LAJ JOB 12:10

sa' ruq' li Qaawa' wank li xyu'am chixjunileb' li yo'yookeb'.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Jeremías 10:23

At Qaawa', ninnaw naq li winq moko a'an ta yaal re sa' xb'een li xyu'am, chi moko sa' ruq' wank li xb'eenik.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Proverbios 20:24

Li Qaawa' nak'utuk xb'e li junjunq. Maajun naxnaw xjunes b'ar yo chi xik.

Li xHu LAJ JOB 31:4

Li Yos naril chixjunil li ninb'aanu ut naxnaw chixjunil linb'e.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Salmos 139:3

Ch'olch'o chawu b'ar ninb'eek ut jo'q'e ninsotlaak; nakak'e reetal jo'ch'inal jo'nimal li ninb'aanu.

2 Reyes 14:10

At awab'ej Amasías, laa'at xasach ruheb' laj Edom, jo'kan naq nakak'e aawankil. Us b'i', naru taanima aawib', ab'anan kanaaqat sa' laawochoch! K'a' naq taasik' aarahilal ut taawaj ajwi' li xsachikeb' laj Judá aawochb'een?”.

1 Timoteo 3:6

Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Hechos 17:25

chi moko nak'anjelaak ru rik'in ruq'eb' li winq chanchan tawi' junaq li wank sa' rajb'al ru: a'an b'an li nak'ehok re li qayu'am chiqajunilo, li qamusiq' ut chixjunil li k'a'aq re ru.

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

Ezequiel 31:10

«Jo'ka'in xye li Qaawa': Li che' a'an xk'iik chi jwal najt xteram ut li ru'uj xwulak toj sa' li choql; xq'etq'eto'k li xch'ool xb'aan li xnimal xteram.

Ezequiel 28:17

Q'axal xak'e aawankil xb'aan laachaab'ilal, ut xasach laachaab'il na'leb' xb'aan xchaq'alil aawu. Laa'in xatinkut chiru ch'och' re xk'utb'al laaxutaan chiruheb' li awab'ej.

Ezequiel 28:5

Sa' xk'ab'a' naq wank aana'leb' chi yakok xatamresi laab'ihomal, ut xb'aan xnimal laab'ihomal xanimob'resi aawib'.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Isaías 42:5

Jo'ka'in kixye li Qaawa' li kiyoob'tesink ut kihelok re li choxa, li kik'uub'ank re li ruuchich'och' jo'wi' li wank chiru, li kik'ehok xyu'am eb' li poyanam ut kixyoob'tesi chixjunileb' li wankeb' arin:

Isaías 33:10

“Anaqwan tinwakliiq -chan li Qaawa'-; anaqwan tink'ut linloq'al ut linwankil.

Salmos 146:4

Te'elq xmusiq', ut ch'och' te'sutq'iiq wi': sa' ajwi' li kutan a'an taaraqe'q chixjunil li xk'uub'ahomeb'.

Salmos 115:16

Ka'ajwi' li Qaawa' laj eechal re li choxa, ab'an li ruuchich'och' q'axtesinb'il sa' ruq' li winq!

Salmos 104:29

Wi taamuq laawilob'aal chiruheb', q'axal te'xiwaq; wi taamaq' xmusiq'eb', te'kamq ut te'sutq'iiq wi' chik chi pojtz'il.

Jueces 16:23

Naq ke'xch'utub' rib' chi ninq'ehik li xjolomileb' laj Filistea ut ke'ok chi xyeechi'inkil jun xnimla mayejeb' chiru laj Dagón li xyoseb', ke'xye: “Li qayos xq'axtesi sa' quq' laj Sansón li xik' na'ilok qe”, chankeb'.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Génesis 2:7

Toja' naq li Qaawa' Yos kixyoob'tesi li winq rik'in xpojtz'il li ch'och'. Chi apunb'il kiroksi li xmusiq' sa' ru'uj, ut chi jo'kan li winq kiwank xyu'am.

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 14:13

Laa'at li xaye sa' laach'ool: «Taanimanq inwankil toj sa' choxa; toj aran tink'ojob' chaq link'ojarib'aal, toj sa' xb'eeneb' li xchahim li Yos. Tink'ojlaaq sa' li na'ajej neke'xch'utub' wi' rib'eb' li yos, sa' xjayal chaq li releb'l iq'.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

Jeremías 50:28

Ab'ihomaqeb' li xe'elelik chaq Babilonia, yookeb' chi xyeeb'al resil sa' li tenamit Jerusalén naq li Qaawa' li qaYos xreeqaju li xsachik li xsantil ochoch.

Daniel 8:11

Li xukub' a'an q'axal kinumtaak toj reetal koxtoch' li xjolomileb' li chahim, kixsach xwankil li mayejak na'uxmank rajlal kutan ut kixb'eki li rub'elankil li xsantil ochoch li Yos.

Daniel 11:12

Naq akaq xsacheb' ru li k'iila aj puub', tixnimob'resi rib' ut k'ajo'eb' chik li poyanam tixkamsi, ab'anan moko toxnumtaaq ta chik.