Daniel 5:20 - Q'eqchi Bible

²⁰ Ab'anan kixnimob'resi rib' ut q'axal kiq'etq'eto'k; jo'kan naq ki'isiik sa' xwankil ut kimaq'e'k chiru li xloq'al.

Li Santil hu

²⁰ Abanan qui-isi̱c saꞌ xcuanquil xban nak quixkꞌetkꞌeti rib ut quixcacuubresi lix chꞌo̱l. Xban lix kꞌetkꞌetil kꞌaxal cuiꞌchic quixnimobresi rib. Joꞌcan nak qui-isi̱c saꞌ xcuanquil ut qui-isi̱c ajcuiꞌ lix lokꞌal.

Daniel 5:20 ပူးပေါင်းရင်းမြစ်များ

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

Jeremías 13:18

“Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

2 Crónicas 36:13

Laj Sedesías ajwi' kixq'etq'eti rib' chiru laj Nabukodonosor, awab'ej re Babilonia, ut ink'a' chik ki'okenk chirix, us ta ak xyehom li raatin sa' jurament; kixkawub'resi b'an li xch'ool, kixjipu rib' ut ink'a' kisutq'iik rik'in li Qaawa', xYos laj Israel.

2 Reyes 17:14

Ab'anan ink'a' ke'xpaab' ut ke'xjipi xch'ool, jo' ke'xb'aanu li xna' xyuwa'eb' naq ink'a' ke'xk'ojob' xch'ooleb' rik'in li Qaawa' li xYoseb'.

Éxodo 9:17

Laa'at toj nakaram relikeb' lintenamit:

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

San Lucas 18:14

“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Proverbios 16:5

Li Qaawa' xik' naril li q'etq'et; ch'olch'o naq a'in tixk'ul li xq'ajkamunkil.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Ezequiel 30:6

«Jo'ka'in xye li Qaawa': Eb' li te'tenq'anq re Ejiipt te'kamq ajwi', ut taa'oso'q li xwankil Ejiipt li naxq'etq'eti wi' rib' chalen chaq Mikdol toj Asuán. Laa'in, li Qaawa', xinyehok re a'in».

Jeremías 48:18

“Kub'sihomaq leewankil, ex aj Dibón, ut k'ojob'omaq eerib' sa' li pojtz', xb'aan naq chalk re sa' eeb'een laj sachonel ut xjuk'eb' chik leekawub'resinb'il ochoch.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

1 Samuel 6:6

K'a' naq teekawub'resi leech'ool jo' ke'xb'aanu eb' laj Ejiipt ut laj Parahón? Ma ink'a' tab'i' ke'xkanab'eb' laj Israel chi xik naq ke'rahob'tesiik xb'aan li Qaawa'?

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Ezequiel 31:10

«Jo'ka'in xye li Qaawa': Li che' a'an xk'iik chi jwal najt xteram ut li ru'uj xwulak toj sa' li choql; xq'etq'eto'k li xch'ool xb'aan li xnimal xteram.

Daniel 8:8

Li teelom chib'aat ki'ok chi nimank li xtib'el ut q'axal chik kikawuuk li xmetz'ew; ab'anan naq ak kaw chik rib' chi us, kitoqe'k li xnimla xukub' ut sa' xna'aj a'an ke'elk chaq kaahib' chi xukub', li yookeb' chi ilok sa' xkaaxukuutil li ruuchich'och'.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Éxodo 9:7

Laj Parahón kixtaqla rilb'al k'aru xk'ulmank, ut kik'utunk naq maajun li xul reheb' laj Israel kikamk. Ab'anan kikawuuk xch'ool laj Parahón ut ink'a' kixkanab'eb' chi elk li tenamit.

2 Crónicas 32:25

Ab'an laj Esekías ink'a' kixyoxi li usilal ki'uxk re, kiq'etq'eto'k b'an li xch'ool. Jo'kan naq li xjosq'il li Qaawa' kichalk rik'in a'an ut rik'ineb' laj Judá ut eb' laj Jerusalén.

Daniel 4:26

“Xyeemank sa' laamoy u naq toj taakanaaq li xtoonal ut eb' li xxe' li che'; ut a'an naraj naxye naq taak'eemanq wi' chik aawe laa'awab'ejihom, ab'an toj taapaab' naq chixjunil li wankilal nachalk rik'in li Yos.

Daniel 4:28

Ut relik chi yaal naq chixjunil a'in kixk'ul laj Nabukodonosor, li awab'ej.