Daniel 5:2 - Q'eqchi Bible

² Naq ak yo xkalajik, kixtaqla xxokb'aleb' li sek' oor ut plaat, li ke'isiik chaq sa' rochoch li Yos aran Jerusalén, xb'aan laj Nabukodonosor li xyuwa'. Kixb'aanu chi jo'kan xb'aan naq taaraj uk'ak chisa', rochb'eeneb' li ninqeb' xwankil, eb' li rixaqil ut li xtz'aqob'leb' li rixaqil.

Li Santil hu

² Ut xban xcalajic, li rey Belsasar quixtakla risinquil li secꞌ oro ut plata, li quixcꞌam chak laj Nabucodonosor lix yucuaꞌ saꞌ li templo aran Jerusalén. Quixtakla xcꞌambal chak li secꞌ oro ut li secꞌ plata re teꞌucꞌak cuiꞌ li rey, joꞌqueb ajcuiꞌ li nequeꞌcꞌanjelac chiru, joꞌ eb ajcuiꞌ li rixakil ut eb lix concubina.

Daniel 5:2 ပူးပေါင်းရင်းမြစ်များ

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

2 Reyes 24:13

Chirix chik a'an laj Nabukodonosor kixxok chixjunil li k'a'aq re ru q'axal terto xtz'aq sa' rochoch li Qaawa'; kixk'am ajwi' li terto xtz'aq li wank sa' rochoch li awab'ej ut kixjuk' chixjunil li oor xyiib'ahom laj Salomón, awab'ej re Israel, re xsahob'resinkil ru li rochoch li Qaawa', jo' kiyehe'k chi junxilaj xb'aan li Yos.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

2 Reyes 25:15

Li xjolomileb' laj puub' kixxok ajwi' eb' li xanxaar ut eb' li sek' yiib'anb'ileb' rik'in plaat ut oor.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Daniel 5:13

Chi junpaat laj Daniel kik'ame'k wan wi' li awab'ej, ut a'in kixye re: “Ma laa'at laj Daniel, jun reheb' li ke'k'ame'k chaq xb'aan linyuwa' sa' li tenamit Judá?

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Daniel 5:4

Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Jeremías 52:19

Li xjolomileb' laj puub' kixxok ajwi' eb' li sek', li xanxaar, li k'anjelob'aal re kirkisink, li xna'aj li cha, eb' li xna'aj kanteel, eb' li lekleb', eb' li pulaat ut chixjunil li k'a'aq re ru yiib'anb'il rik'in oor ut plaat na'uxk wi' mayejak.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

2 Crónicas 36:18

Chixjunil li k'a'aq re ru li nak'anjelak sa' rochoch li Yos, jo' kok' jo' ninq, chixjunil li xsahil eechej li Qaawa' ut li k'aru nak'anjelak re li awab'ej ut reheb' laj k'anjel chiru, kik'ame'k Babilonia.

2 Crónicas 36:10

Sa' li saq'ehil re li chihab' a'an, laj Nabukodonosor kixtaqla chaq xchapb'al laj Johakín re xk'amb'al Babilonia, rochb'een li k'a'aq re ru q'axal loq' re li rochoch li Qaawa', ut kixxaqab' laj Sedesías, rech'alal laj Johakín, cho'q awab'ej re Judá ut Jerusalén.

2 Crónicas 15:16

Laj Asá, li awab'ej, kirisi cho'q xna'eb' li tenamit lix Mahaká, li xna'chin, xb'aan naq kixyiib' jun xjalam u lix Aserá. Laj Asá kixputz'i li tz'i'b'eetalil a'an ut kixk'at chire li nima' Sedrón.

2 Crónicas 11:20

Chirix chik a'an kixk'am lix Mahaká, xrab'in laj Absalón; ut rik'in lix Mahaká ke'yo'laak laj Abías, laj Atay, laj Sisá ut laj Selomit.

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

Números 7:79

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin, ut jun sek' yiib'anb'il rik'in plaat, aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Esdras 5:14

Kixtaqla ajwi' risinkil sa' xna'ajeb' li xyoseb' laj Babilonia chixjunileb' li k'anjelob'aal yiib'anb'ileb' rik'in plaat ut oor li ke'maq'e'k xb'aan laj Nabukodonosor sa' rochoch li Yos arin Jerusalén ut ke'k'ame'k toj Babilonia. Chirix chik a'an ke'q'axtesiik re jun li winq, aj Sesbasar xk'ab'a', li kixaqab'aak cho'q aj jolominel.

Jeremías 50:35

“Kamsihomaqeb' chi ch'iich' eb' laj Kaldeha, sachomaq ruheb' laj Babilonia, eb' li neke'jolomink re li tenamit ut eb' laj k'ehol na'leb'.

Daniel 5:3

Tikto koxe'xxok chaq eb' li sek' oor ut plaat li ke'isiik chaq sa' rochoch li Yos aran Jerusalén, ut ki'uk'ak li awab'ej chisa', rochb'eeneb' li ninqeb' xwankil, eb' li rixaqil ut li xtz'aqob'leb' li rixaqil.

Daniel 5:30

Chiru ajwi' li q'oqyink a'an kikamsiik laj Baltasar, awab'ej re Kaldeha.