Daniel 5:18 - Q'eqchi Bible

¹⁸ “At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Li Santil hu

¹⁸ At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Daniel 5:18 ပူးပေါင်းရင်းမြစ်များ

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Hechos 26:19

“Jo'kan utan, at qaawa' Agripa, ink'a' kinq'etq'eti wib' chiru li choxahil moy u,

Hechos 26:13

Sa' xyiitoq li kutan, at qaawa', kiwil sa' b'e jun li saqenk kichalk chaq sa' choxa, q'axal chik nalemtz'unk chiru li saq'e; ut a'an kinxsut laa'in jo' ajwi' kixsuteb' li wochb'eeneb'.

Hechos 7:48

us ta li Nimajwal Yos ink'a' nahilank sa' junaq kab'l yiib'anb'il rik'in uq'ej, jo' naxye li propeet:

Daniel 6:22

LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:2

Chi sa sa' inch'ool nawaj xk'eeb'al chenaw li xninqal b'aanuhom ut sachb'ach'oolej xb'aanu we li Nimajwal Yos.

Lamentaciones 3:38

Naqak'ul li us ut li ink'a' us, xb'aan naq jo'kan naraj li Qaawa'.

Lamentaciones 3:35

chi moko naq namaq'e'k li xk'ulub' junaq poyanam, ut na'uxk a'an chiru li Nimajwal Yos.

Jeremías 27:7

Chixjunileb' li tenamit wanqeb' rub'el xwankil a'an, jo'wi' rub'el xwankil eb' li ralal xk'ajol ut eb' li ri xmam, toj taawulaq xq'ehil naq li x'awab'ejihom toxwanq ajwi' rub'el xwankileb' li xninqal ru tenamit ut awab'ej li q'axal kaweb' rib'.

Salmos 92:8

Us ta wanqeb' li ink'a' useb' xch'ool kama' li rax pim ut te'k'ihanq li neke'b'aanunk maa'usilal, ab'anan te'sache'q chi junajwa.

Salmos 47:2

Poq'poq'ihomaq leeruq', chejunilex laa'ex li tenamit, japomaq eere xyaab'ankil xk'ab'a' li Yos chi sa leech'ool!

Salmos 9:2

At Qaawa', chi anchal linch'ool twaj xnimankil laak'ab'a', tinpuktesi resil eb' li xninqal ru aab'aanuhom.

Salmos 7:17

Jo'ch'inal jo'nimal kilajxb'aanu taasutq'iiq chaq sa' xb'een, ut a' chik li xmaa'usilal taat'ane'q sa' xb'een.

Deuteronomio 32:8

Naq li Nimajwal Yos kixjek'i xch'och'eb' li junjunq chi tenamit, naq kixjek'i xna'ajeb' li ralal xk'ajol laj Adán, kixxaqab' xnub'ajlil chixjunileb' li tenamit, a' yaal chanru xk'ihaleb' li ralal xk'ajol li Yos.

2 Reyes 25:28

Q'axal kixb'aanu usilal re ut kixk'e xwankil jwal nim wi' chik chiruheb' chixjunil li awab'ej wankeb' rochb'een aran Babilonia.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Ezequiel 31:11

Jo'kan naq xintz'eq chirix linch'ool, ut tinq'axtesi sa' ruq' li nataqlank sa' xb'eeneb' li xninqal ru tenamit, re naq taa'uxq re jo' chanru li xmaa'usilal.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.