Daniel 4:7 - Q'eqchi Bible

⁷ Xe'chalk eb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, ut xinseeraq'i reheb' li moy u, ab'an maajun reheb' xru xch'olob'ankil li xyaalal.

Li Santil hu

⁷ Ut queꞌcꞌameꞌ chak cuiqꞌuin chixjunileb laj kꞌe, ut eb laj tu̱l, joꞌqueb ajcuiꞌ laj qꞌuehol naꞌleb ut eb li nequeꞌtzoloc chirix li chahim. Ut la̱in xinye reheb cꞌaꞌru lin matcꞌ. Abanan incꞌaꞌ queꞌru xyebal cue cꞌaꞌru naxye lin matcꞌ.

Daniel 4:7 ပူးပေါင်းရင်းမြစ်များ

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

Daniel 2:7

Eb' laj q'e ke'xye wi' chik: “At awab'ej, seeraq'i qe laamatk' ut laa'o tqach'olob' li xyaalal”.

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Daniel 2:10

Toja' naq eb' laj q'e ke'xye re li awab'ej: “Maajun junaq sa' ruuchich'och' taaruuq chi xyeeb'al li k'aru nakawaj xnawb'al, at awab'ej. Chi moko wank junaq awab'ej, yal ta jwal nim xwankil ut xloq'al, tixpatz' a'an reheb' laj q'e, eb' laj k'ehol na'leb' ut laj tz'ilol rixeb' li chahim.

Génesis 41:8

Naq kisaqewk, k'ajo' xk'a'uxl laj Parahón. Kixtaqla xb'oqb'al chixjunileb' laj q'e ut laj k'ehol na'leb' li wankeb' Ejiipt: kixseeraq'i li xmatk' reheb', ab'an maajun kiruhank chi xtawb'al xyaalal.

Génesis 41:24

ut eb' li och chaqiheb' ke'xk'ux li wuqub' li chaab'il. Xinseeraq'i a'in reheb' laj q'e, ab'anan maajun xtawok ru xyaalal”.

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

Daniel 3:8

Ab'anan wankeb' aj Kaldeha koheb' chi xjitb'aleb' laj Judiiy

Daniel 4:18

“A'an a'in li xinmatk'e -chan laj Nabukodonosor li awab'ej-. At Beltsasar, ch'olob' chiwu li xyaalalil xb'aan naq maajun reheb' laj q'e li wankeb' rub'el inwankil xe'ruuk chi xtawb'al xyaalal. Ab'an laa'at tatruuq, xb'aan naq wank aawik'in li xmusiq' li Yos q'axal sant”.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Daniel 5:8

Chixjunileb' laj k'ehol na'leb' sa' rochoch li awab'ej ke'jilok chi rilb'al li tz'iib'anb'il chiru li tz'ak, ab'an ink'a' ke'ruuk chi xyaab'asinkil chi moko ke'xtaw ru.

Salmos 37:35

Ak wilom li ink'a' us xch'ool chi xnimob'resinkil rib', chanchan jun nimla tz'unu'j che' naq xxaqab' rib';

Ezequiel 31:3

Chanchanat li saqichaj malaj li yaw re Líbano, li jwal ch'ina'useb' li ruq' ut k'ajo'eb' li xxaq, q'axal najt xteram toj reetal kiwulak sa' li choql.