Daniel 4:35 - Q'eqchi Bible

³⁵ Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Li Santil hu

³⁵ Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Daniel 4:35 ပူးပေါင်းရင်းမြစ်များ

Salmos 135:6

Jo'nimal li nawulak chiru xb'aanunkil, naxb'aanu junsut junrub'el choxa, sa'atqeb' li palaw ut sa' chixjunileb' xchamal li ha'.

Li xHu LAJ JOB 42:2

“Xink'e reetal naq nakatruuk xb'aanunkil chixjunil: wank aawankil chi xb'aanunkil jo'nimal li nakawaj.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Efesios 1:11

Sa' xk'ab'a' ajwi' li Kriist kooxaqab'aak chaq chi eechanink, sik'b'il chaq qu chi junxilaj jo' chanru ki'alaak sa' xch'ool li Yos li nab'aanunk re chixjunil, a' yaal chanru li xk'a'uxl ut li rajom,

Isaías 43:13

Chalen chaq q'e kutan, ak laa'in chaq li Qaawa'. Maajun taakoloq eere sa' wuq'; maajun taaruuq chi xjuk'b'al li ninb'aanu laa'in”.

Hechos 4:28

Chi jo'kan xe'xb'aanu li ak k'uub'k'u chaq aab'aan rik'in xnimal aawankil ut aana'leb'.

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

1 Corintios 2:16

Naxye li Santil Hu: “Ani xnawok ru xk'a'uxl li Qaawa'? Ani taaruhanq chi xk'eeb'al xna'leb' A'an?”. Ab'anan laa'o wank xk'a'uxl li Kriist qik'in.

Li xHu LAJ JOB 40:2

“Ma toj wank k'aru taaye we, a Job? Laa'at laj wech'onel ut laj jitol re li Nimajwal Yos”.

Li xHu LAJ JOB 23:13

Li k'aru naraj xb'aanunkil li Yos, naxb'aanu. Ani taaramoq chiru xb'aanunkil li rajom?

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Li xHu LAJ JOB 9:4

Ani truuq tixkawu rib' chiru li Yos, ut us taa'elq chiru li xchoxahil na'leb' li Qaawa' jo'wi' chiru li xnimal xwankil?

1 Samuel 3:18

Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Hechos 5:39

ab'an wi re li Yos, ink'a' texruuq chi xsachb'aleb'. Mare anchal yookex chi xch'a'ajkinkil li Yos. Ut ke'xk'ulub'an xch'ooleb' li raatin.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Hechos 9:5

Kichaq'ok a'an: “Anihat, at Qaawa'?”, chan. Ut a'an kixye: “Laa'in li Jesus li xik' yookat chi wilb'al.

Isaías 26:9

Chiru li q'oqyink nawataw wank aawik'in ut toj eq'la nakatinsik' chi anchal inch'ool. Naq nakatraqok aatin sa' ruuchich'och', eb' li poyanam neke'xtzol wank sa' tiikilal.

Hechos 11:17

Jo'kan utan, wi li Yos kixk'e ajwi' reheb' a'an li simaatan xk'ehom qe laa'o xb'aan xpaab'ankil li Qaawa' Jesukriist, anihin laa'in chi xramb'al li Yos?

Salmos 49:1

Re li xjolomileb' laj b'ichanel. Xsaalm eb' li ralal xk'ajol laj Koré.

Salmos 33:14

toj sa' chaq li xloq'laj k'ojarib'aal naxka'ya jo'k'ihaleb' li wankeb' junsut junrub'el choxa.

Salmos 39:5

“At Qaawa', chak'e chinnaw jo'q'e taaraqe'q linyu'am, jo' najtil chik tin'iloq kutan, re tinnaw naq yal numelin arin sa' ruuchich'och'.

Isaías 19:17

K'ajo'aq xxiweb' laj Ejiipt chiruheb' laj Judá! Rajlal naq taapatz'manq li xk'ab'a'eb' laj Judá, te'ok xxiw xb'aan naq taajultiko'q reheb' li xk'uub'ahom li Nimajwal Yos sa' xb'een Ejiipt.

Daniel 6:27

A'an nakolok ut na'isink sa' rahilal, naxb'aanu xninqal eetalil ut sachb'ach'oolej junsut junrub'el choxa. A'an li xkolok re laj Daniel sa' ruq'eb' li kaqkoj”.

Jonás 1:14

Toja' naq ke'tijok chiru li Qaawa' ut ke'xye: “At Qaawa', moohaakanab' chi kamk xb'aan li winq a'in. Ut wi maak'a' xmaak, maak'e li xkamik sa' qab'een, xb'aan naq laa'at, at Qaawa', nakatraqok aatin jo' naxk'ul laach'ool”.

Josué 2:2

Kiwulak resil rik'in li awab'ej re Jerikó: “K'e reetal, wankeb' winq aj Israel xe'ok chaq arin chi q'eq re xk'eeb'al reetal li tenamit”, chu'uxk re.