Daniel 4:30 - Q'eqchi Bible

³⁰ kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Li Santil hu

³⁰ Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Daniel 4:30 ပူးပေါင်းရင်းမြစ်များ

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Apocalipsis 16:19

Li Nimla Tenamit oxib' jachal ki'elk, ut li xtenamiteb' li ruuchich'och' kilaje't'ane'k; ut kinaqk chaq sa' xch'ool li Yos li nimla Babilonia re xk'eeb'al chi ruk'eb' li jun sek' chi b'iin wan wi' li xnimal xjosq'il.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Salmos 73:8

Neke'se'ek sa' xch'ooleb' ut yib'ru neke'aatinak; q'axal neke'xq'etq'eti rib' naq neke'raj xyoob'ankil raaxiik'.

Salmos 49:20

ab'anan taaq'ajq taasutq'iiq rik'ineb' li xna' xyuwa' li maajoq'e chik te'ril li kutan saqenk.

Apocalipsis 18:21

Toja' naq jun li ánjel kaw rib' kixchap jun li pek k'ajo' xnimal, jo' jun nimla sursuukil ke'leb' pek, ut kixkut sa' palaw, yo chi xyeeb'al: “Jo'ka'in, sa' jun chiq'ok ajwi' naq taakute'q li nimla tenamit Babilonia, ut ink'a' chik taak'utunq.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

Salmos 104:1

Tinnima ru li Qaawa' chi anchal linch'ool! At inYos, at inNa' at inYuwa', numtajenaq laawankil! Tiqib'anb'ilat rik'in laaloq'al

Ester 1:4

Chiru waqib' po kixk'ut chixjunil li xb'ihomal chiruheb' jo' ajwi' li xnimal xloq'al li x'awab'ejihom ut li xwankilal.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Apocalipsis 14:8

Ut jun chik li ánjel kitaaqenk re, kixye: “Xt'ane'k, ak xt'ane'k li nimla tenamit Babilonia, a' li kik'ehok chi maakob'k chixjunileb' li tenamit sa' ruuchich'och' rik'in li xmaa'usilal. Chanchan naq kixkaltesiheb' rik'in b'iin. Ut a'an k'ajo' naq kixchiq' xjosq'il li Yos!”.

Proverbios 29:23

Li q'etq'et aj winq taakub'siiq xwankil; a'ut li kub'enaq xwankil, taak'ehe'q xloq'al.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

Daniel 4:31

Toj yo ajwi' xyeeb'al eb' li aatin a'in li awab'ej, naq ki'ab'imank jun xyaab' kuxej kichalk chaq sa' choxa ut kixye: “Aawik'in nin'aatinak, a Nabukodonosor. Xmaq'mank chawu laa'awab'ejihom.

Habacuc 1:11

Neke'nume'k jo' li kaqsut-iq'; chirix chik a'an neke'sachk chi k'ojk'o xch'ooleb' rik'in li xkawilaleb': a'an tz'aqal neke'xk'e cho'q xyoseb'”.

Proverbios 11:2

Li q'etq'etil nak'ehok sa' xutaan; li ani naxkub'si rib', a'an wank xna'leb'.

San Lucas 14:9

ut, naq tol'elq li kib'oqok chaq eere, tixye aawe: «K'e laana'aj re li winq a'in». Toja' naq yooq aaxutaan naq tatxik sa' xmaril li meex.