Daniel 4:3 - Q'eqchi Bible

³ K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Li Santil hu

³ Kꞌaxal nim li sachba chꞌo̱lej li naxba̱nu ut kꞌaxal lokꞌ li milagro. Li Ka̱cuaꞌ, aꞌan li tzꞌakal rey chi junelic ut aꞌan li kꞌaxal nim xcuanquil chi junelic kꞌe cutan.

Daniel 4:3 ပူးပေါင်းရင်းမြစ်များ

Salmos 145:13

Laa'awab'ejihom a'an re junq'e junq'e kutan, ut laawankil wank chi junelik. Li Qaawa' a'an tiik xch'ool rik'in li naxye, q'axal chaab'il rik'in chixjunil li naxb'aanu.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Hebreos 1:8

A'ut chirix li K'ajolb'ej naxye: “At inYos, k'ojk'o laa'awab'ejihom chi junelik. Junelik sa' tiikilal nakatawab'ejink.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Salmos 105:27

Eb' a'in naab'al sachb'ach'oolej ke'xb'aanu sa' xyanqeb' laj Ejiipt, naab'al xninqal eetalil ke'wank aran sa' xch'och'el laj Kam.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Isaías 28:29

Jo'kan ajwi' naxb'aanu li Qaawa', li Nimajwal Yos: k'ajo' xchamal li xk'uub'ahom ut naxb'aanu chixjunil rik'in xseeb'al xk'a'uxl!

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 104:24

K'ajo' xk'ihal laab'aanuhom, at Qaawa'! Xab'aanu chixjunil rik'in xnimal aana'leb'; nujenaq li ruuchich'och' rik'in chixjunil laayoob'tesihom!

Salmos 92:5

At Qaawa', laa'at xak'ojob' linch'ool rik'in laab'aanuhom; k'ajo' naq nasaho'k li waanm chi rilb'al chixjunil li xab'aanu.

Salmos 86:10

Xb'aan naq k'ajo' xnimal aawankil: laa'at nakatb'aanunk sachb'ach'oolej; ka'jat wi' li yo'yookil Yos!

Salmos 77:19

Li xyaab' li kaaq ki'ab'iik sa' li kaqsut-iq' ut kisaqeno'k li ruuchich'och' xb'aan li raq'kaaq. K'ajo' naq kihich'leek li ch'och' xb'aan li hiik.

Salmos 72:18

Usilaatinanb'il taxaq li Qaawa', xYos laj Israel: ka'ajwi' A'an nab'aanunk re sachb'ach'oolej!

Salmos 66:7

Na'awab'ejink chi junelik rik'in xnimal xwankil; li rilob'aal wank sa' xb'eeneb' li tenamit re naq eb' laj q'etol aatin ink'a' te'xq'etq'eti rib' chiwach.

Li xHu LAJ JOB 25:2

Li Qaawa' Yos a'an nim xwankil ut xiwajel ru. A'an naxk'eheb' sa' tuqtuukilal li wankeb' sa' choxa.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Romanos 11:33

Makach'in naxik wi' xchamal xb'ihomal li Yos! K'ajo' xnimal li xna'leb' ut li xk'a'uxl! Relik chi yaal naq maa'ani naru xtawb'al ru li rajom chi moko xyaalal li xk'a'uxl!

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,