Daniel 4:27 - Q'eqchi Bible

²⁷ Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Li Santil hu

²⁷ At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Daniel 4:27 ပူးပေါင်းရင်းမြစ်များ

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.

Hechos 8:22

Yot' aach'ool ut jal laak'a'uxl, ut kanab' laamaa'usilal; tz'aaman chiru li Qaawa': mare anchal tixkuy li ink'a' us xak'oxla sa' laach'ool.

San Lucas 11:41

Chek'ehaq cho'q eetenq'aal jo'nimal li wank eerik'in, ut chi jo'kan saqaq ru chixjunil cho'q eere.

Efesios 4:28

Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.

1 Pedro 4:8

Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

San Mateo 3:8

Chik'utunq b'i' sa' leeyu'am li naruuchin li yot'b'ach'oolej jalb'ak'a'uxl,

Ezequiel 18:7

maajun naxrahob'tesi, naxq'axtesi b'an li k'aru xkanab'ahom ut xyehom cho'q ruuchil li xk'as; ink'a' na'elq'ak, naxk'e b'an chi wa'ak li yo xtz'okajik ut naxk'e xb'aatal li maak'a' raq';

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

1 Reyes 21:29

“Ma xawil naq laj Ajab xkub'si rib' chiwu? Jo'kan naq ink'a' tintaqla li rahilal naq toj yo'yooq; toj chiru b'an chik xyu'am li ralal tink'e li rahilal sa' xb'een li xjunkab'al”.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

Salmos 119:46

Tinch'olob' xyaalal laachaq'rab' chiruheb' li awab'ej, ut ink'a' tinkanaaq sa' xutaan.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Deuteronomio 24:13

taaq'ajsi b'an re, naq yooq chi muqunk li saq'e, re naq taaruuq chi yoklaak sa' li xt'ikr. Chi jo'kan tixb'anyoxi chawu, ut k'ajo' naq taawulaq laab'aanuhom chiru li Qaawa' laaYos.

Jeremías 29:7

Sik'omaq li tuqtuukil usilal cho'q re li tenamit b'arwi' xexintaqla, ut tijonqex chirixeb' chiwu, xb'aan naq wi sa te'wanq eb' a'an, laa'ex ajwi' texwanq sa' sahilal.

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

Deuteronomio 32:27

Ab'anan ink'a' xwaj naq eb' li xik' neke'ilok reheb' te'xnimob'resi rib' ut te'xye: Laa'o xoosachok reheb', moko a' ta li Qaawa' xb'aanunk re a'in.

Proverbios 11:2

Li q'etq'etil nak'ehok sa' xutaan; li ani naxkub'si rib', a'an wank xna'leb'.

Isaías 10:13

Xyehom li awab'ej re Asiria: “Xinb'aanu a'in rik'in linkawilal ut rik'in li xwankil linna'leb', xb'aan naq jwal seeb' inch'ool. Xinsach xnub'ajlileb' li tenamit, xlajweechani li xb'ihomaleb' ut xwisiheb' li awab'ej sa' li xna'ajeb' jo' junaq winq li q'axal kaw rib'.

Isaías 47:8

Ab'i ut anaqwan li aatin a'in, laa'at aj raholat re li sahil wank. Nakak'ojob' aawib' chi maak'a' nakak'oxla, ut nakaye sa' laach'ool: «Ka'ajin wi' ut maak'a' chik junaq. Maajoq'e tinxtaw xrahil li kanaak sa' junaatalil chi moko tinkanaaq chi maak'a'eb' chik li walal ink'ajol».

Isaías 47:10

Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Ezequiel 29:9

Nakirirnak ut po'lem chik tatkanaaq, ut chixjunileb' te'xnaw naq laa'in li Qaawa'. We li nima' Nilo, laa'in kinyiib'ank re, chankat.

Amós 6:13

Nasaho'k leech'ool chi maak'a' rajb'al, ut nekeye: “Ma ink'a' tab'i' xqeechani Karnáhin yal qajunes qib'?”, chankex.

Habacuc 1:11

Neke'nume'k jo' li kaqsut-iq'; chirix chik a'an neke'sachk chi k'ojk'o xch'ooleb' rik'in li xkawilaleb': a'an tz'aqal neke'xk'e cho'q xyoseb'”.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.