Daniel 4:19 - Q'eqchi Bible

¹⁹ Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.

Li Santil hu

¹⁹ Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Daniel 4:19 ပူးပေါင်းရင်းမြစ်များ

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Daniel 7:28

“Arin kiraqe'k resil linmatk'. Laa'in laj Daniel k'ajo' naq ki'ok ink'a'uxl ut kichalk inxiw; ab'anan kink'uula sa' inch'ool chixjunil a'in ut maa'ani aj e kinseeraq'i li k'aru kiwil”, chan laj Daniel.

Daniel 4:24

At awab'ej, a'an a'in li xyaalalil ut a'in li teneb'anb'il sa' aab'een xb'aan li Nimajwal Yos:

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

1 Samuel 3:17

Laj Elí kixpatz' re: “K'aru xye aawe li Qaawa'? Mik'a' aamuq chiwu. A' taxaq li Yos chik'ehoq aawe chi xtojb'al laamaak chi q'axal ra, wi taamuq chiwu junaq reheb' li aatin xye aawe”.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Daniel 7:15

“Laa'in laj Daniel k'ajo' naq ki'ok ink'a'uxl chirix chixjunil a'in, tik kisachk inna'leb' xb'aan li kiwil sa' moy u.

Daniel 5:12

xb'aan naq q'axal q'es li xch'ool chi na'leb'ak, wank xnawom ut jwal seeb' xch'ool chi xtawb'al xyaalal eb' li matk', eb' li moy u ut chi xtuqub'ankil ru junaq ch'a'ajkilal. Yookin chi aatinak chirix laj Daniel, a' li Beltsasar kik'ehe'k cho'q xkab' xk'ab'a' xb'aan laayuwa'. Jo'kan utan chib'oqmanq chaq laj Daniel, ut a'an tixch'olob' ru li tz'iib'anb'il chiru li tz'ak”, chan li ixq.

Daniel 2:26

Toja' naq li awab'ej kixpatz' re laj Daniel, Beltsasar li xkab' xk'ab'a': “Ma tatruhanq chi xyeeb'al we linmatk' ut xch'olob'ankil li xyaalal?”, chan.

Daniel 1:7

Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Jeremías 29:7

Sik'omaq li tuqtuukil usilal cho'q re li tenamit b'arwi' xexintaqla, ut tijonqex chirixeb' chiwu, xb'aan naq wi sa te'wanq eb' a'an, laa'ex ajwi' texwanq sa' sahilal.

1 Reyes 18:7

Naq laj Abdías yo chi xik sa' li xb'e, ki'elk chaq laj Elías chi xk'ulb'al. Tikto laj Abdías kixnaw ru, kixwiq'ib' rib' chiru ut kixye re: “Ma laa'at laj Elías, at inqaawa'?”.

1 Samuel 26:15

Kixye laj David re laj Abner: “Ma maawa' tab'i' laa'at li q'axal kaw aawib' chi yalok sa' xyanqeb' laj Israel? K'a'ut naq ink'a' xak'aak'ale li awab'ej, laj eechal aawe? Xb'aan naq jun reheb' li tenamit x'ok aran re raj xkamsinkil li awab'ej, laj eechal aawe.

1 Samuel 24:8

Tikto ki'elk ajwi' laj David sa' li ochoch pek ut kixjap re chi xyeeb'al re laj Saúl: “At awab'ej, at aj eechal we!”, chan. Naq laj Saúl ki'ilok chirix, laj David kixk'utzub' rib' chiru ch'och', kixb'uchub' rib'

1 Samuel 1:15

Ut lix Ana kixsume: “Ink'a', wa. Ink'a' xin'uk'ak b'iin chi moko k'a' chik chi ha'il li nakaltesink. Q'axal ra sa' inch'ool ut yookin chi xteeb'al li waanm chiru li Qaawa'.

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Génesis 32:18

taaye re: «Re laj Jakob laj k'anjel chawu: a'in jun maatan cho'q re linqaawa' Esaú. Ut a'an yo chaq chi chalk chiqix», cha'qat re”.

Génesis 31:35

Toja' naq kixye lix Rakel re li xyuwa': “Ink'a' chijosq'o'q linyuwa' naq ink'a' tinxaqliiq chiru, xb'aan naq xintikib' xk'ulb'al li naqak'ul laa'o ixq”, chan. Jo'kan naq laj Labán kixpoqle chixjunil li muheb'aal ut ink'a' kixtaweb' li xyos.

Génesis 40:12

Kixye laj José: “A'an a'in xyaalalil: li oxib' chi ruq' a'an oxib' kutan.

Daniel 2:37

Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Daniel 5:19

Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.