Daniel 3:25 - Q'eqchi Bible

²⁵ “Ab'an laa'in yookin chi rilb'al kaahib' chi winq hithookeb' chik, ut yookeb' chi b'eek sa' xyi li xam chi maak'a' b'ayaq xe'xk'ul; ut li xka a'an chanchan jun ánjel”, chan li awab'ej.

Li Santil hu

²⁵ Ut li rey Nabucodonosor quixye: —¿Cꞌaꞌut nak yo̱quin chirilbal ca̱hib chi cui̱nk yo̱queb chi be̱c saꞌ li xam? Moco bacꞌbo̱queb ta. Ut ma̱cꞌaꞌ xeꞌxcꞌul saꞌ li xam. Ut li xca̱ cui̱nk chanchan ralal junak dios.

Daniel 3:25 ပူးပေါင်းရင်းမြစ်များ

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Hechos 28:5

A'ut laj Pablo kixchiq'chiq'i li xul sa' xb'een li xam ut maak'a' kixk'ul.

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

Li xHu LAJ JOB 1:6

Sa' jun kutan, naq eb' li ánjel koxe'ch'utlaaq rik'in li Qaawa', kichalk ajwi' laj tza sa' xyanqeb'.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Salmos 34:7

Naq li neb'a' naxyaab'a li xk'ab'a', na'ab'iik xb'aan; li Qaawa' nakolok re chiru chixjunil li xrahilal.

1 Pedro 3:13

Ani tab'i' taarahob'tesinq eere wi nekeyal eeq'e chi xb'aanunkil li us?

Daniel 3:18

Ab'anan wi ink'a' tooxkol, ch'olch'ooq chawu, at awab'ej, naq ink'a' took'anjelaq chiruheb' laayos chi moko tqaloq'oni ru li jalam u xak'e chi yiib'aak”, chankeb'.

Li xHu LAJ JOB 38:7

naq saheb' sa' xch'ool chi b'ichank eb' li chahim toj eq'la ut yookatqeb' chi xajok eb' li ánjel?

Romanos 1:4

ut xaqab'anb'il cho'q Ralal li Yos rik'in xnimal xwankil, jo' chanru rajom li Musiq'ej aj santob'resihom re chixjunil, sa' xk'ab'a' li xwaklijik chi yo'yo sa' xyanqeb' li kamenaq.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Proverbios 30:4

Ani kitaqe'k sa' choxa ut kikub'e chaq wi' chik? Ani kixmoch'o li iq' sa' li ruq'? Ani kilanok re li ha' sa' t'ikr ut kixk'ojob' xnub'ajlil li ruuchich'och'? Ye we ani xk'ab'a' a'an ut ani xk'ab'a' li ralal.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Daniel 3:24

Toja' naq laj Nabukodonosor, li awab'ej, kiwakliik chi junpaat sa' li xk'ojarib'aal ut, chi sachso xch'ool, kixpatz' reheb' laj k'ehol xna'leb': “Ma ink'a' tab'i' oxib'eb' chi winq ut b'ak'b'ookeb' naq xqakuteb' sa' li xam?”, chan. Ke'chaq'ok eb' a'an: “Jo'kan tz'aqal, at awab'ej”, chankeb'.

Daniel 6:23

Toja' naq li awab'ej k'ajo' naq kisaho'k sa' xch'ool ut chi junpaat kixtaqla risinkil laj Daniel sa' xyanqeb' li kaqkoj. Naq ke'risi chaq sa' xyanqeb' li xul, maajun xtiq'ilal ke'xtaw, xb'aan naq k'ojk'o li xch'ool rik'in li xYos.

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.