Daniel 3:2 - Q'eqchi Bible

² Chirix chik a'an li awab'ej kixch'utub' chixjunileb' laj k'anjel chiru, eb' li xninqal ru winq, eb' laj jolominel, eb' laj k'ehol na'leb', laj k'uulahomeb' tumin, eb' laj raqol aatin ut eb' laj nawol chaq'rab' sa' xsutam Babilonia, re naq te'wanq sa' xninq'ehinkil ru li jalam u li kik'ehe'k chi yiib'aak xb'aan.

Li Santil hu

² Ut li rey quixtakla xchꞌutubanquil ruheb chixjunileb li nequeꞌcꞌanjelac chiru. Queꞌxchꞌutub ribeb li ni̱nkeb xcuanquil, eb li gobernador, eb li capitán, eb li comisionado, ut eb laj xocol tumin, eb laj qꞌuehol naꞌleb, ut eb laj rakol a̱tin joꞌ eb ajcuiꞌ chixjunileb li cuanqueb xcuanquil saꞌ eb li tenamit. Queꞌxchꞌutub ribeb re nak ta̱xakaba̱k xcuanquil li jalam u̱ch li quixqꞌue chi yi̱ba̱c laj Nabucodonosor.

Daniel 3:2 ပူးပေါင်းရင်းမြစ်များ

Daniel 3:27

Tikto eb' laj k'anjel chiru li awab'ej, eb' li xninqal ru winq, eb' laj jolominel ut eb' laj k'ehol xna'leb' li awab'ej ke'jilok chi xk'atqeb' li oxib'eb' re rilb'aleb' chi us; ut ke'xk'e reetal naq li xam maak'a' xb'aanu reheb', moko k'atalkeb' ta li rismaleb', tz'aqal re ru li xb'aataleb', ut moko wank ta xb'ook li sib' chiruheb'.

Proverbios 29:12

Li awab'ej li napaab'ank tik'ti', naxpo' xna'leb' chixjunileb' laj k'anjel chiru.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.

Jueces 16:23

Naq ke'xch'utub' rib' chi ninq'ehik li xjolomileb' laj Filistea ut ke'ok chi xyeechi'inkil jun xnimla mayejeb' chiru laj Dagón li xyoseb', ke'xye: “Li qayos xq'axtesi sa' quq' laj Sansón li xik' na'ilok qe”, chankeb'.

Números 25:2

Eb' li ixq a'in ke'xb'oqeb' li winq chi xloq'oninkil li xyoseb', ut eb' laj Israel ke'tzekank ut ke'xwiq'ib' rib' chi xloq'oninkil li xyoseb' laj Mohab.

Apocalipsis 17:2

Eb' li awab'ej re li ruuchich'och' ke'xmux rib'eb' rik'in, ut eb' li wankeb' sa' ruuchich'och' ke'kalaak rik'in li xb'iinul ut ke'xb'aanu li maa'usilal rik'in”.

Daniel 3:3

Ke'ch'utlaak chixjunileb' laj k'anjel chiru li awab'ej, eb' li xninqal ru winq, eb' laj jolominel, eb' laj k'ehol na'leb', laj k'uulahomeb' tumin, eb' laj raqol aatin ut eb' laj nawol chaq'rab' sa' chixjunil xteepal Babilonia, re xninq'ehinkil ru li jalam u li kiyaalo'k; ut chixjunileb' xaqxookeb' chi xk'atq li jalam u kixk'e chi yiib'aak laj Nabukodonosor.